Staršynia TBM Aleh Trusaŭ padčas pasiadžeńnia Hramadzka‑kansultatyŭnaj rady pry administracyi prezydenta vykazaŭ niekalki prapanovaŭ adnosna ŭžyvańnia biełaruskaj movy ŭ biznesie, jakija byli ŭchvalenyja. Radu ŭznačalvaje kiraŭnik administracyi prezydenta Biełarusi Ŭładzimier Makiej.
Jon prapanavaŭ vykarystoŭvać biełaruskamoŭnyja brendy i šukać aryhinalnyja słovy nakštałt «miłavica», a taksama vykarystoŭvać biełaruskuju movu ŭ reklamie.
«Ja pryvioŭ prykłady, kali my źviarnulisia da firmaŭ «Samsunh», «Reno». Jany nas pasłuchalisia i pačali rabić bihbordy pa‑biełarusku. «Samsunh» atrymaŭ 10‑11% prybytku za košt biełaruskamoŭnaj reklamy. Dyk čamu, naprykład, nie rabić heta «Savuškinamu praduktu», jakomu ja pisaŭ masu listoŭ, ale ŭsio zastałosia pa‑rasiejsku, dy jašče z hetym ćviordym znakam, jaki admienieny ŭ siońniašniaj movie. Taksama padtrymali takuju maju prapanovu, što treba kab biznesoviec vałodaŭ i biełaruskaj, i niekalkimi zamiežnymi movami. Nu i Makiej padtrymaŭ, i kaža, što nasamreč našy biznesoŭcy, čynoŭniki zamiežnych movaŭ nia viedajuć albo viedajuć słaba. Darečy, staršynia Mienskaha staličnaha sajuzu pradprymalnikaŭ Uładzimier Karahin vystupaŭ pa‑rasiejsku, ale vykłaŭ svoj vystup na sajcie na troch movach, u tym liku ŭpieršyniu pa‑biełarusku, za što ja jaho vielmi pachvaliŭ. Biznesoŭcy pačynajuć razumieć, što biełaruski biznes bieź biełaruskaj movy heta nie zusim biełaruski biznes.
Padčas pasiadžeńnia rady zvyčajna adzin Makiej havoryć pa‑biełarusku, kali ja vystupaju. Bolš nichto, chacia movu viedajuć praktyčna ŭsie. Deputat Davydźka na hetym pasiadžeńni taksama zahavaryŭ pa‑biełarusku».
