Hety čempijanat śvietu zapomnicca niaspynnym hudam.
Ot, byvała, raniej siadziš na hanku na dačy ŭletku, adpačyvaješ, pčołki‑muški źviniać, ptuški śpiavajuć, cišynia i spakoj… I tut praz try linii niechta pačynaje ci to cyrkularkaj, ci to elektraheblem hudzieć. I nyje, i nyje, i nyje, pa vušach jeździć. A potym praz paŭhadziny ścichaje — i znoŭ cišynia i spakoj. Voś jon raj. A tut paŭtary hadziny vyjuć i vyjuć trybuny hetymi śpiecyjalnymi dudkami i nie ścichajuć nifiha. Jak tam futbalistam? Ja b kinułasia, napeŭna», — piša ŭ svaim Žyvym dziońniku błohierka irisation.
I sapraŭdy,
hety hud nie ścichaje ni na chvilinu. Navat padčas televizijnych tranślacyj jon paśpiavaje dobra nadakučvać.
Vuvuzieła — doŭhaja dudka, kala mietra, jakaja vykarystoŭvajecca futbolnymi balelščykami ŭ Paŭdniovaj Afrycy. Pieršapačatkova vuvuzieła rabiłasia z vołava. Prychilniki hetaha instrumienta kažuć, što vuvuzieły majuć daŭniuju historyju.
Maŭlaŭ, u niekatorych plamionach Afryki ŭ surmy, zroblenyja z rahoŭ antyłopy, surmili, kab sabrać schod. U pačatku našaha stahodździa kampanija Masincedane Sport pačała masavy vypusk takich dudak, ale ŭžo z płastyku.
U čempijanacie PAR fanaty roznych kamand vykarystoŭvajuć vuvuzieły roznych koleraŭ.
Na mundyjali ŭsie dudki hučać na adnoj vyšyni — ad hetaha huk stanovicca takim praniźlivym i nadakučlivym.
Mnohija futbalisty, zaŭziatary, kamientatary vystupajuć za zabaronu vuvuziełaŭ na matčach čempijanatu śvietu. Tym nie mienš, prezident FIFA Ziep Błater adrazu abvierh takija prapanovy: «My nie pavinny sprabavać jeŭrapieizavać afrykanski čempijanat śvietu».
Nasamreč, dudki na stadyjonach nie takaja redkaja ŭ suśvietnym futbole źjava. Ale paŭsiul u Jeŭropie ź imi sprabujuć zmahacca. Vykarystańnie takich instrumientaŭ ličycca prykładam nizkaj kultury ŭ fanataŭ.
Biełaruś tut nie vyklučeńnie. Naprykład, fanaty zbornaj Biełarusi z hrupoŭki «B‑12» zabaraniajuć uvachod na svaju trybunu z dudkami. Navat banier admysłovy namalavali.
Jak by toje ni było, ale biez huku vuvuziełaŭ sioletniaje futbolnaje śviata ŭžo nie ŭjavić.
Našy prodki dudzieli ŭ dudki, vielmi padobnyja da vuvuziełaŭ. Na hraviury: biełaruskija vajskovyja muzyki XVI st.
Bitva pad Voršaj. Hraviura. Čałaviek z pravuvuziełaj - unizie sprava.
