Leta, haračynia… Zdajecca — nu jakaja praca moža być letam, kali jarka źziaje sonca, kali nas rana sustrakaje dośvitak i pravodzić poźni zachad sonca, a na pracu raz‑poraz viartajucca adpačyłyja, zaharełyja i zadavolenyja kalehi…
Tyja ž, chto jašče nie byŭ u adpačynku, budujuć śvietłyja płany, abmiarkoŭvajuć pieravahi ekzatyčnych krain, u radasnym uzrušeńni biehajuć pa kramach, vybirajučy sabie kupalnyja kaściumy. A vy tolki moŭčki ŭzdychajecie, tamu što vaš adpačynak nie trapiŭ na letnija miesiacy… Prapanoŭvaju pierastać škadavać siabie i zajzdrościć inšym! Davajcie pasprabujem adkinuć emocyi i zadumacca, ci tak vam treba ŭ vodpusk mienavita ciapier? Isnuje, va ŭsiakim razie, 10 važkich pryčyn, pa jakich vodpusk možna adkłaści na inšuju paru hoda.
1. Letniaja haračynia
Haračynia — jana i ŭ Afrycy haračynia… i ŭ Turcyi, i ŭ Jehipcie, i ŭ Minsku, i ŭ Breście. Padumajcie, ci varta z adnoj haračyni jechać u inšuju? Lepš pačakajcie barchatnaha siezona. A letam na pracy z kandycyjanierami nie tak užo i kiepska.
2. Hulnia na kantraście
Adsutnaść rezkaha kantrastu ŭ nadvorji pamiž vašaj radzimaj i papularnymi kurortami naŭrad ci letam mocna paradujuć vas. U toj ža čas jość masa kurortaŭ, kudy, pajechaŭšy zimoj, možna znoŭ apynucca ŭ lecie, naprykład tradycyjny Jehipiet, ekzatyčnyja AAE, tempieramientnaja Kuba, kultavy Hoa, kazačny Tajłand, reśpiektabielnyja Maldzivy…
3. Miascovy adpačynak
Letam možna znajści masu sposabaŭ pazabaŭlacca ŭ vychadnyja dni i ŭviečary, nie adjazdžajučy daloka ad doma i nie hublajučy kaštoŭnyja dni adpačynku: dača, les, šašłyki, rybałka, katańnie na ciepłachodzie pa race…
4. Harmon ščaścia
Dla vypracoŭki harmonu ščaścia — sierataninu, abaviazkova patrebna śviatło. Niedachop śviatła ŭ zimovy čas hoda i źjaŭlajecca pryčynaj takich raspaŭsiudžanych ciapier viasnova‑zimovych depresij. Mienavita tamu ŭ soniečnyja dni nas zvyčajna supravadžaje dobry nastroj i nam psichałahična lahčej žyviecca. Tamu budzie lepš, kali vy adkładziacie naviedvańnie soniečnych krain mienavita na zimu.
5. Letni son karaciejšy
Letam z‑za praciahłaha śvietłavoha dnia pračynacca lahčej. Dy i jarkaja zielanina za aknom niekalki badzioryć. Uspomnicie, kali łaska, zmročny vid z akna chałodnaj zimoj i poźniaj vosieńniu… tak by i nie vyłaziŭ z paścieli. Voś tut vam i nie paškodzić doŭhačakany vodpusk.
6. Dzieci
Letam na kurortach vielmi šmat dziaciej, a razam ź imi šumu, lamantu, krykaŭ, płaču i tuzaniny… Usio heta moža sapsavać adpačynak navat tym, u kaho jość ułasnyja dzieci, nie kažučy ŭžo pra toj vypadak, kali vy biaździetnyja.
7. Zajzdraść kaleh
Ci sprabavali vy kali‑niebudź ździvić kaleh svaim zaharam letam? Naŭrad ci vam heta ŭdasca. A voś zimoj… uvieś blednatvary ofis, ubačyŭšy bronzu vašaj skury, a taksama vaš pamaładzieły i źziajučy ad zadavalnieńnia tvar, u tajnie budzie pamirać ad zajzdraści.
8. «Niańka» vašamu hadavancu
Letam u bolšaści vašych znajomych budzie vializnaja kuča płanaŭ i minimum volnaha času. Tamu znajści taho, chto pahadziŭsia b pahladzieć za vašaj chatniaj žyviołaj, pakajovymi raślinami, budzie značna ciažej, čym zimoj.
9. Ceny
Letam ceny na adpačynak vyšejšyja, pryčym u 2‑3 razy. Adkłaŭšy vodpusk na zimu, možna prosta zekanomić.
10. Harderob
Letam u vas budzie šmat času, kab jak śled padrychtavać vaš kurortny harderob. Vam nie treba budzie na złom hałavy kidacca pa pakupki i kuplać pieršaje, što trapić pad ruki. Tym bolš, što našy pradprymalnyja pradaŭcy pałovu leta pradajuć toje, što nie razyšłosia letaś. I tolki paśla vystaŭlajuć novyja kalekcyi. Uvažliva i nie śpiašajučysia, atrymlivajučy masu zadavalnieńnia ad šopinhu, vy zmožacie nabyć mienavita toje, što treba mienavita vam. Da taho ž u kancy leta pačnucca rasprodažy letnich kalekcyj, što daść vam mahčymaść zekanomić. Akramia taho, u vas zastaniecca mahčymaść prateściravać rečy, nabytyja zahadzia: vam nie daviadziecca pakutavać ad mazaloŭ, jakija časta źjaŭlajucca pry noscy novaha abutku, ad padajučaj lamki sarafana ci ad štanoŭ, jakija raptoŭna źbiehlisia.
