Jakuju rekłamu, zroblenuju pa-biełarusku, vy bačyli apošnim časam? «My vyrašyli nie prosta sabrać lepšuju rekłamu na biełaruskaj movie, — kaža kaardynatar kampanii «Budźma biełarusami!» Alena Makoŭskaja. — Nieabchodna było pahladzieć na movu jak srodak paŭsiadzionnaj kamunikacyi i zrazumieć, ci jość biełaruskaja mova ŭ rekłamie i ci zapatrabavanaja jana tam».
7 lipienia ŭ halerei «Ŭ» arhanizatary, kampanija «Budźma biełarusami!» i partał Marketing.by padviali vyniki pieršaha festu biełaruskamoŭnaj rekłamy. Padajem pracy pieramožcaŭ:
1. U naminacyi «Televizijnaja i kinarekłama» piermoh kinarolik Michaiła Tumieli. Tumiela, viadomy pa svaich mulfilmach « Biełaruskija prymaŭki», hetym razam u svaim vycinankavym styli rekłamavaŭ kvas «Chatni»:
2. U naminacyi «Drukavanaja i vokavaja rekłama» pieramoh makiet dla rekłamnaj abviestki ŭ presie Bossh «Dzierci bulbu»:
Druhoje miesca:
3. U naminacyi «Dyzajn» (paštoŭki, kalendary, buklety, łahatypy) piermahli błaknoty rekłamnaj kampanii Adliga «Natchniajsia biełaruskim»:
U hetaj naminacyi pracaŭ było padadziena najbolš. Nie pieramahli, ale zaniali vysokija miescy pracy viadomaj mastački i afarmlalnicy Śviatłany Zaskievič. Jana rabiła buklety dla svaich ža pamiatnych maniet «Śviaty i abrady biełarusaŭ».
A jašče — aformlenaja Iharam Nazarenkam vokładka albomu «Biełaja jabłynia hromu» Lavona Volskaha.
Kalandar «Mastactva futboła». Supolny prajekt «Alfa-banku», Biełaruskaj fiederacii futbole i biełaruskaj zbornaj. Aŭtar — Rekłamnaje ahienctva «Francysk-hrup».
U naminacyi «Etykietka i ŭpakoŭka» pieršaje miesca nie zaniaŭ nichto. A voś druhoje dastałasia sieryi etykietak dla nastojek «Marazula», kompanii «BIEŁPI — Biełaruskaje pitvo»:
Akramia hetaha, u naminacyi «Radyjorekłama i aŭdyjorekłama abo roliki dla radyjoefira i dla efira ŭ handlovych załach» pieršaje miesca zdabyli roliki Kaviarni «Kamianica» aŭtarstva rekłamnaha ahienctva «Pinhvin».
I naastatak śpiecpryz dastała stvoranaja, ale nierealizavanaja kampanija, jakaja rekłamavała bienzatrymier Hoyo. Aŭtar - IP «Leśsiervis».