U lipieni horača navat sabakam.
Na nastupnym tydni ŭ Biełarusi budzie pieravažać haračaje nadvorje, paviedamiła hałoŭny sinoptyk Respublikanskaha hidramieteacentra Volha Fiadotava.
Jana adznačyła, što pavyšeńnie tempieratury biełarusy adčujuć užo ŭ hetyja vychodnyja. Adnak u subotu, 10 lipienia, pad upłyvam małaruchomaha atmaśfiernaha frontu čakajecca vobłačnaje z prajaśnieńniami nadvorje. Nočču ŭ asobnych rajonach respubliki, a dniom miescami ŭ Viciebskaj, Minskaj, Mahiloŭskaj i Homielskaj abłaściach projduć karotkačasovyja daždžy, navalnicy. U ranišnija hadziny miescami zhuścicca tuman. Viecier paŭnočny, umierany. Tempieratura pavietra nočču składzie 13–19 hradusaŭ. Dniom słupok termomietra pakaža 24–29 hradusaŭ ciapła.
U niadzielu Biełaruś apyniecca va ŭładzie napoŭnienaha mižziemnamorskim ciapłom Azorskaha antycykłonu. Budzie pieravažać małavobłačnaje nadvorje biez apadkaŭ. Viecier paŭnočny, słaby. Tempieratura pavietra nočču składzie ad 15 da 22 hradusaŭ ciapła. Udzień słupok termomietra dasiahnie adznaki 27–33 hradusy.
Haračaje nadvorje zachavajecca i na nastupnym tydni. Z paniadziełka, 12 lipienia, dzionnaja tempieratura pavietra budzie vahacca ad 27 da 33 hradusaŭ vyšej za nul. Značnych apadkaŭ u hetyja dni nie čakajecca. Tolki časam u paŭdniovych rajonach mahčymy karotkačasovyja daždžy i navalnicy. Lipieńskija nočy buduć ciopłyja — ad 17 da 23 hradusaŭ, dni — haračyja, kali tempieratura pavietra składzie 27–33 hradusy.
Na dumku hałoŭnaha sinoptyka Respublikanskaha hidramieteacentra, heta leta budzie ščodrym na ciapło. Jość vierahodnaść, što 14–15 lipienia miescami ŭ
