Pieramoha pad znakam «Pahoni» 3

Nadychodzić 600 jubilej Hrunvaldskaj bitvy, u jakoj našy prodki-litviny razam z palakami nanieśli vyrašalny ŭdar pa vojskach teŭtonskaha ordenu.

Biełarusi nie chapaje pazityŭnych śviataŭ i pazityŭnych nacyjanalnych hierojaŭ.

Pieravažnaja bolšaść biełaruskich-litvinskich hierojaŭ apošnich 200 hadoŭ — heta ludzi, čyja zasłuha nie ŭ pieramozie, a ŭ hodnaj parazie. Kaściuška — hodna prajhraŭ, Kalinoŭski — hodna prajhraŭ, BNR, Słuckija paŭstancy, Bułak-Bałachovič i navat Biełaruski narodny front — usio heta historyi dastojnych parazaŭ i nadziei na revanš, a nie historyi pośpiechaŭ.

Pazityŭnaha ŭ biełaruskaj-litvinskaj historyi apošnich stahodździaŭ sapraŭdy niašmat, i navat niaščadna ekspłuatavanaje aficyjnaj łukašenkaŭskaj ideałohijaj 9 traŭnia azmročana savieckaj akupaciaj i stalinskimi represijami, jakija pryjšli na Biełaruś razam z vyzvaleńniem ad nacystaŭ.

Hrunvald — redki vypadak pośpiechu, redkaja pieramoha ŭ našaj historyi,

pieramoha, zdabytaja pad našymi ściahami z «Pahoniaj».

Tym pryjemniej, što aficyjnyja ŭłady nie ihnarujuć hetuju vybitnuju datu našaj historyi, jakaja aproč inšaha jadnaje nas z susiedziami — palakami i žycharami Litoŭskaj Respubliki.

Tamu sa śviatam! Boh nam raić!

P. S. Małajcy telekanał «Biełsat», što šmat uvahi nadajuć važnaj padziei:

Aleś Čajčyc

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH