Vialiki niedachop narkatyčnych rečyvaŭ vyjaŭleny na estonskim dziaržaŭnym składzie, dzie zachoŭvajucca kanfiskavanyja narkotyki.
Pry praviercy vyśvietliłasia, što za apošnija piać hadoŭ tam prapała bolš za 90 kiłahramaŭ narkatyčnych rečyvaŭ.
Pravierku na składzie Instytuta sudovaj ekśpiertyzy naładzili supracoŭniki Palicyi biaśpieki. Raniej užo chadzili čutki ab tym, što narkotyki, jakija zachoŭvajucca tam, "iduć na bok". Jak paviedamlaje krynica, niedachop składaje prykładna 15% ad ahulnaj masy narkatyčnych rečyvaŭ, jakija zachoŭvajucca na składzie. Zhodna z vynikami ekśpiertyzy, u instytucie pry praviercy akazalisia i inšyja parušeńni. Vyśvietliłasia, u pryvatnaści, što častka narkotykaŭ, jakija ličylisia źniščanymi, u rečaisnaści znachodziacca na składzie.
Ci padazrajuć palicyjanty ŭ złoŭžyvańniach kankretnych supracoŭnikaŭ Instytuta, nie paviedamlajecca.
