Prezident Rasii Dźmitryj Miadźviedzieŭ zadavoliŭ prośbu prezidenta Baškiryi Murtazu Rachimava ab adstaŭcy.
Na asabistaj sustrečy kiraŭnik dziaržavy padziakavaŭ za pracu baškirskamu lideru, jaki ŭznačalvaŭ respubliku na praciahu apošnich 20 hadoŭ, paviedamlaje Lenta.ru.
Časova vykonvajučym prezidenta nazvany namieśnik staršyni praŭleńnia «RusHidro» Rustem Chamitaŭ.
«Adzinaja Rasieja» mahčymych pierajemnikaŭ M. Rachimava pakul nie nazyvaje, choć kansultacyi z namieśnikam kiraŭnika administracyi prezidenta Uładzisłavam Surkovym ŭžo praviedzieny.
Raniej mierkavałasia, što prezident Baškiryi zrobić zajavu ab svajoj adstaŭcy na pasiedžańni Dziaržschodu respubliki, adnak jon u čaćvier nie pryjšoŭ na kurułtaj. Jak vyśvietliłasia, zamiest hetaha jon adpraviŭsia na sustreču ź Dźmitryjem Miadźviedzievym.
Aficyjny termin vykanańnia prezidenckich paŭnamoctvaŭ M. Rachimava zakančvajecca ŭ listapadzie 2011h. Paśla razmovy ŭ Kramli baškirskaha lidera z kiraŭnikom administracyi prezidenta RF Siarhiejem Naryškinym stała viadoma, što M. Rachimaŭ nie maje namier bałatavacca na jašče adzin prezidencki termin.
M. Rachimaŭ byŭ abrany prezidentam Respubliki Baškartastan 12 śniežnia 1993h. Da hetaha jon 3 hady ŭznačalvaŭ Viarchoŭny saviet Baškiryi.
U pieryjad pieršaha prezidenckaha terminu M. Rachimava byŭ padpisany dahavor pamiž Rasiejaj i Baškiryjaj ab raźmiežavańni paŭnamoctvaŭ pamiž fiederalnymi i rehijanalnymi orhanami ŭłady.
Dvojčy baškirski lider byŭ pieraabrany, a 10 kastryčnika 2006h. deputaty parłamienta Baškartastana nadzialili M. Rachimava prezidenckimi paŭnamoctvami na novy 5‑hadovy termin. Na pazačarhovym pasiadžeńni parłamienta Baškiryi adrazu ŭ troch čytańniach byŭ pryniaty zakon ab asabistych, majomasnych i finansavych harantyjach dla adychodziačych ŭ adstaŭku kiraŭnikoŭ respubliki.
