Labiedźka i Ramančuk sustrelisia z Kudrynym i Čubajsam 10
Bujnaja kanfierencyja z udziełam rasiejskich i biełaruskich palitykaŭ i ekśpiertaŭ projdzie pry kancy žniŭnia ŭ Maskvie.
Bujnaja kanferencyja z udziełam rasiejskich i biełaruskich palitykaŭ, ekanamistaŭ, ekspertaŭ i analitykaŭ projdzie naprykancy žniŭnia ŭ Maskvie.
Pra heta ŭ sieradu paviedamiŭ adzin z arhanizataraŭ mierapryjemstva Anatol Labiedźka:
«Siońnia ranicaj razam ź Jarasłavam Ramančukom i Alaksandram Dabravolskim ja viarnuŭsia z Maskvy, dzie my vyrašyli ŭsie arhanizacyjnyja pytańni. Takim čynam, žnivieńskaja biełaruska-rasiejskaja kanferencyja stanie tradycyjnaj. Sioleta admietnaść jaje ŭ tym, što ŭ joj chočuć udzielničać nia tolki apazycyjnyja palityki z Rasiei, ale i pradstaŭniki rasiejskaj ułady — zakanadaŭčaj i vykanaŭčaj.
My taksama pabyli na śviatkavańni 60-hodździa sustaršyni partyi «Pravoje dieło» Leanida Hozmana. Skarystalisia tym, što tut prysutničali takija viadomyja ludzi, jak, naprykład, Alaksiej Kudryn, Anatol Čubajs dy inšyja. Kandydat u prezydenty ad našaj partyi Jarasłaŭ Ramančuk doŭha razmaŭlaŭ ź ministram finansaŭ Rasiei. I heta była razmova nie pra Łukašenku, a dyjaloh dvuch specyjalistaŭ u halinie ekanomiki».
