U Hruzii prapanavali adznačać Dzień akupacyi i Dzień pamiaci achviaraŭ tatalitarnaha režymu. Z takoj prapanovaj vystupiŭ urad respubliki.
Dzień akupacyi prapanoŭvajecca adznačać 25 lutaha. Pra jakuju kankretna akupacyi idzie havorka, nie ŭdakładniajecca. Adnak data, vidavočna, źviazana z uvarvańniem savieckich vojskaŭ u Tbilisi (25 lutaha 1921 hoda), za jakim było ŭklučeńnie Hruzii ŭ skład SSSR.
Dzień pamiaci achviaraŭ tatalitarnaha režymu płanujecca adznačać 23 žniŭnia.
U Tbilisi ŭ 2006 hodzie byŭ adkryty Muziej savieckaj akupacyi, pryśviečany znachodžańniu respubliki ŭ Savieckim sajuzie, achviaram represij i antysavieckamu ruchu. Niadaŭna stała taksama viadoma, što ŭ Hory (na «małoj radzimie» Iosifa Stalina) płanujecca ŭstalavać pomnik achviaram stalinskich represij i «rasiejskaj akupacyi». Manumient budzie raźmieščany na centralnaj płoščy, dzie raniej stajaŭ pomnik savieckamu pravadyru (jaho ŭ kancy červienia pieranieśli na terytoryju muzieja Stalina, raźmieščanaha niepadalok).
0
0
0
0
0
0
