U Breście pa padazreńni va ŭčynieńni sieryi machlarstvaŭ zatrymana 28-hadovaja hramadzianka Ukrainy.
28-hadovaja niepracujučaja žycharka Sumskaj vobłaści 1 žniŭnia ašukała pradaŭcoŭ piaci handlovych abjektaŭ u centry Bresta. U kožnym ź ich jana vybirała tavar koštam ad 10 da 20 tys. rubloŭ. Zatym, nibyta źbirajučysia raźličvacca, pakazvała pradaŭcu kupiuru ŭ 100 tys. rubloŭ. Nie addajučy hrošy, žančyna atrymlivała zdaču, zabirała tavar i sychodziła.
"Va ŭsich vypadkach pradaŭcy nie adrazu razumieli, što stali achviarami złačynstva, — adznačyŭ Vasileŭski. — Nie vyklučana, što žančyna niejkim čynam psichałahična ŭździejničała na ich".
Paśla taho jak u milicyju źviarnułasia pieršaja paciarpiełaja, jakaja apisała źniešnaść machlarki, taja była zatrymana.
"Užo paśla zatrymańnia ŭ milicyju pastupili jašče čatyry zajavy ab anałahičnych złačynstvach. Usie pradaŭcy paćvierdzili, što takim pakupnikom u ich handlovych abjektach była zatrymanaja maładaja žančyna, — dadaŭ Vasileŭski. — Pavodle słoŭ padazronaj, jana pryjechała ŭ Brest razam z baćkam na aŭtamabili dla nabyćcia aŭtazapčastak".
Adździełam daznańnia Leninskaha RAUS raspačata sprava pa č. 2 art. 209 Kryminalnaha kodeksa (machlarstva). Ukraincy pradjaŭlena abvinavačańnie va ŭčynieńni hetych złačynstvaŭ. Jana źmieščana ŭ SIZA.
