U Čyli znajšli źnikłych harniakoŭ

U Čyli ratavalniki znajšli 33 harniakoŭ, zabłakavanych u šachcie ŭ vyniku abvału parody.

Pradstaŭnik miascovaj prakuratury Hiektar Mieła adznačyŭ, što praź śpiecyjalnuju adtulinu ŭ šachtu była apuščanaja videakamiera, dziakujučy čamu ź niekatorymi rabočymi atrymałasia ŭstalavać vizualny kantakt.

Harniaki praviali pad ziamloj 17 dzion. Abvał parody na šachcie, raźmieščanaj za 800 kiłamietraŭ na poŭnač ad čylijskaj stalicy Sanćjaha, adbyŭsia 5 žniŭnia. Da hetaha času nie było viadoma, ci ŭdałosia kamu-niebudź z harniakoŭ vyžyć u vyniku avaryi.

U niadzielu, 22 žniŭnia, ratavalniki praśvidravali nievialikuju adtulinu hłybinioj 700 mietraŭ. Praź jaje harniaki pieradali zapisku, jakuju paźniej začytaŭ prezident krainy Siebaśćian Pińjera. U joj havaryłasia, što ŭsie 33 šachciory žyvyja.

U najbližejšy čas harniakam, zabłakavanym pad ziamloj, pieradaduć ježu, vadu i nieabchodnaje abstalavańnie. Pa słovach ratavalnikaŭ,

kab vyvieści ŭsich šachcioraŭ na pavierchniu, spatrebicca kala čatyroch miesiacaŭ.

Dla taho kab praśvidravać adtulinu dyjamietram 66 santymietraŭ, praź jakuju harniaki zmohuć vybracca, spatrebicca bolš mahutnaja śvidravalnaja ŭstanoŭka.

TUT.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH