Apelacyjny sud Mienskaha haspadarčaha sudu adchiliŭ skarhu ŭstanovy «Ruch napierad» adnosna raniejšaha rašeńnia ab pryznańni jurydyčna nikčemnaj damovu ab arendzie ofisa dla ŭstanovy, što daje padstavu Mienharvykankamu zakryć arhanizacyju.
«My ličym hetaje rašeńnie, jak i ŭsie raniejšyja sudovyja zachady suproć nas, palityčna matyvavanymi. Heta robicca na zamovu ŭłady», — prakamentavała rašeńnie apelacyjnaha sudu namieśnik dyrektara «Ruchu napierad» Nina Pachłopka, jakaja pradstaŭlała intaresy arhanizacyi ŭ sudzie.
Lider kampanii «Havary praŭdu» viadomy paet Uładzimier Niaklajeŭ dadaŭ da kamentaru:
«Takija sudy pakazvajuć, što ŭłady karystajucca takoj taktykaj: jany padvodziać pad svaje rašeńni peŭnuju jurydyčnuju bazu. Hałoŭnaje, kab było napisana, što heta ŭsio voś pa takim zakonie, kab prycisnuć hetych chłopcaŭ. Nu, možna ŭ takija hulni hulać. Zamiest taho, kab rabić pravavuju dziaržavu, dzie pierad zakonam byli b usie roŭnyja, dziaržava zajmajecca takoj hulnioj. Zrešty, heta ahulny pryncyp našaha žyćcia — u demakratyju hulajuć, u rynkavuju ekanomiku. Na ŭsich pavierchach! Voś što pakazvaje sud nad kampanijaj „Havary praŭdu“, a dakładniej nad toj ustanovaj, jakaja daje joj lahalna pracavać».
