Top-20 ramantyčnych i ekstravahantnych nazvaŭ «čarniła» 11

Pładova-jahadnyja viny pa dźviuch svaich charaktarystykach — nievysokaj jakaści i fantastyčna nizkaj dla ałkaholu canie — daŭno niasuć pahrozu zdaroŭju nacyi.

Tym nie mienš, ich vytvorčaść pa-raniejšamu zastajecca vysokaj. U struktury prodažaŭ ałkaholnych napojaŭ u Biełarusi ŭ 2009 pładovyja viny zajmali 31%, sastupajučy tolki harełcy.

Na ščaście, dla bolšaści biełarusaŭ hetaja pradukcyja zastajecca abjektam kpinaŭ. I nie ŭ apošniuju čarhu praź nieardynarnyja nazvy.

Vyvučyŭšy bahaty asartymient pradukcyi biełaruskich zavodaŭ, «Salidarnaść» adabrała pa dziasiatku samych ramantyčnych i ekstravahantnych nazvaŭ pładovych vinaŭ. I adnačasova pryjšła da całkam niečakanaj vysnovy: hetyja nazvy źjaŭlajucca vynikam narodnaj tvorčaści.

Top-10 samych ramantyčnych nazvaŭ:

10. «Śvitańnie nad Ščaraj» (Słonimski vinarobny zavod)

Jak raskazali «Salidarnaści» ŭ adździele markietynhu Słonimskaha vinarobnaha zavoda, nazvy dla vinaŭ u ich prydumlajuć inžynierna-techničnyja rabotniki pradpryjemstva. Časta novaja nazva naradžajecca litaralna za paŭdnia.

«Śvitańnie nad Ščaraj» — jarki pradstaŭnik hrupy najmieńniaŭ pładovych vinaŭ, jakija hruntujucca na miascovych hieahrafičnych nazvach i słavutaściach. Ščara — raka, u dalinie jakoj lažyć horad Słonim.

9. «Mahilaŭčanka» (AAT «Chołdynh „Mahiloŭabłcharčpram“»)

8. «Letašniaja kadryl» (AAT «Baranavicki kambinat charčovych praduktaŭ»)

7. «Zahadka» (STAA «Malinaŭščyźnienski śpirtaharełkavy zavod „Akvadziŭ“»)

6. «Sierenada» (AAT «Viciebski vinarobny zavod»)

5. «Čaraŭnica» (Dziaržaŭnaje pradpryjemstva Mazyrski kambinat «Etanoł»)

4. «Višniovaje. Svavolnica» (Pinski vinarobny zavod)

3. «Hałateja» (Słonimski vinarobny zavod)

Hałateja — u hreckaj mifałohii niereida (dačka Niereja). U jaje byŭ zakachany strašny sicylijski cykłop Palifiem, ale jana admoviła jamu i zakachałasia ŭ Akida. Palifiem padpilnavaŭ Akida i razdušyŭ jaho skałoj, a Hałateja pieratvaryła svajho niaščasnaha kachanaha ŭ prazrystuju rečku.

2. «Kachanaj žančynie» (Minskaje abłasnoje vytvorčaje ŭnitarnaje pradpryjemstva «Iłaŭskaje»)

1. «Poźniaje kachańnie» (Homielski vinarobny zavod)

Nazvu hetaha «vina palepšanaj jakaści pładovaha macavanaha sałodkaha» (śpirt — 18%) na Homielskim vinarobnym zavodzie ličać samaj niezvyčajnaj. Jak raskazała hałoŭny technołah pradpryjemstva Ludmiła Sirata, jano karystajecca papularnaściu jašče z 90-ch hadoŭ.

Chto prydumaŭ hetuju nazvu, na zavodzie ŭžo nie pamiatajuć. Jana, jak i inšyja, «narodnaja» — prapanovy pa novych nazvach pastupajuć ad mnohich rabočych i inžynierna-techničnych rabotnikaŭ.

Da prydumlańnia novaha nazvy na pradpryjemstvie staviacca surjozna. Hałoŭny technołah asabliva padkreśliła:

— U nas niama nazvaŭ, jakija možna vyśmiejać.

Top-10 samych ekstravahantnych nazvaŭ:

10. «Viasioły duet» (AAT «Chołdynh „Mahiloŭabłcharčpram“»)

9. «Čaroŭnaja flejta» (Navahrudski zavod pładovych vinaŭ i napojaŭ)

Jak raskazała hałoŭny technołah navahrudskaha pradpryjemstva Ludmiła Michajłaŭna, kab zaćvierdzić takuju nazvu vina, davodzicca razhledzieć dziasiatki varyjantaŭ.

— Kapajem litaraturu, tamu što stolki ŭžo hetych nazvaŭ — hałava krucicca. Voś niadaŭna prydumali nazvu «Vosieńskaja sanata». Dyk my ledź nie 50 varyjantaŭ pierabrali — stolki jość nazvaŭ sa słovam «vosieński»!

8. «Žuraŭlinaja pieśnia» (Pinski vinarobny zavod)

7. «Piaščota» («Charčovy kambinat „Viesiałova“, v. Viesiałova Barysaŭskaha rajona)

8. „Słonimskija zabavy“ (Słonimski vinarobny zavod)

7. „Maestra“ (AAT „Baranavicki kambinat charčovych praduktaŭ“)

6. „Kupalinka“ (Navahrudski zavod pładovych vinaŭ i napojaŭ»)

Šerah nazvaŭ pładovych vinaŭ u Biełarusi maje «nacyjanalnuju» afarboŭku. Uzhadajem chacia b «Biełuju viežu», «Rahniedu», «Žalejku». Na Navahrudski zavod pładovych vinaŭ nazva «Kupalinka» pryjšło ź Minska razam z zaćvierdžanaj recepturaj.

Ale ŭ RUP «Navukova-praktyčny centr Nacyjanalnaj akademii navuk Biełarusi pa charčavańni» adkazać na pytańnie, jak byli prydumanyja hetaja i inšyja nazvy dla vinaŭ, nie zmahli. Tam tolki zaŭvažyli, što hetyja nazvy «z historyjaj, biezumoŭna, źviazanyja».

5. «Viaskovaje załacistaje» (AAT «Puchavicki charčkambinat»)

4. «Skarby Radziviła» («Charčovy kambinat «Viesiałova», v. Viesiałova Barysaŭskaha rajona)

3. «Alaksandr i ja» (vina-harełkavy zavod «Kołas TPRUP «DORORS», v. Račkovičy Słuckaha rajona)

2. «Jeŭrapiejskaje» (Dziatłaŭski vina-harełkavy zavod)

1. «Mister Iks» (Filijał «Naračanski zavod napojaŭ» RUP «Biełvnieštorhinviest»)

Salidarnaść

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH