Siońnia ŭ minskim archikatedralnym kaściole imia Najśviaciejšaj Panny Maryi adbudziecca imša i dobrasłavieńnie studentaŭ na novy navučalny hod.
Jak paviedamiŭ adkazny za ŚMI pry sakrataryjacie Kanfierencyi katalickich biskupaŭ u Biełarusi ajciec Alaksandr Ułas,
mierapryjemstvy pačnucca ŭ 18.30. Liturhiju ŭznačalić mitrapalitMinska-Mahiloŭski arcybiskup Tadevuš Kandrusievič.
Na nabaženstva zaprašajucca studenty i vykładčyki VNU, kab supolnaj malitvaj raspačać novy navučalny hod i čarhovy etap navučańnia, a taksama prasić Boha ab tym, kab novyja viedy i navukovyja dasiahnieńni byli na ahulnuju karyść.
Dobrasłavieńnie studentaŭ minskich VNU pravodzicca ŭ archikatedralnym kaściole treci hod zapar. Hetuju tradycyju ŭvioŭ arcybiskup Tadevuš Kandrusievič paśla taho, jak byŭ pryznačany mitrapalitam
Na jaho dumku, dobrasłavieńnie studentaŭ maje vialikaje značeńnie dla budučyni ajčynnaj intelihiencyi i biełaruskaj dziaržavy. «My žadajem, kab u svaich pavodzinach, adnosinach da navuki i ludziej siońniašnija studenty kiravalisia maralnymi kaštoŭnaściami chryścijanskaj viery. Bo kali jany stanuć na hetyja pryncypy siońnia, to buduć uzrastać u svajoj maralnaści i raspaŭsiudžvać jaje siarod inšych», — padkreśliŭ ajciec Alaksandr.
