U Biełastoku prachodzić pracedura apaznańnia biełarusaŭ, što zahinuli ŭ DTZ 15 vieraśnia

gazeta.pl

Jak paviedamiŭ pres-ataše pasolstva Biełarusi ŭ Polščy Alaksiej Zielanko, biełaruskaje hienkonsulstva ŭ Biełastoku sadziejničała najchutčejšamu atrymańniu viz dla svajakoŭ zahinułych. Siońnia ranicaj jany prybyli ŭ Biełastok i zaraz hutarać z palicyjaj, a zatym pajeduć na apaznańnie, skazaŭ pres-ataše.

Miarkujecca, što dastaŭka cieł zahinułych na radzimu pačniecca 17 vieraśnia.

Nahadajem, trahiedyja adbyłasia nočču 15 vieraśnia. Dva mikraaŭtobusy ź biełaruskimi numarami sutyknulisia z polskim hruzavikom Volvo. Na miescy avaryi zahinuli piać čałaviek, paciarpieli čatyry.

Pavodle słoŭ Zielanko, dakładna ŭstanoŭlena, što ŭ DTZ zahinuli piać hramadzian Biełarusi: dvoje mužčyn (1967 i 1979 hoda naradžeńnia) i try žančyny (1958, 1959 i 1964 hoda naradžeńnia).

U mikraaŭtobusie z hrodzienskimi numarami znachodzilisia čatyry žychary Hrodna, usie jany zahinuli. U druhim aŭtamabili, z numarami Minskaj vobłaści, znachodziłasia piać žycharoŭ Salihorska. Tam zahinuła adna pasažyrka.

Dvoje paciarpiełych — mužčyna i žančyna — znachodziacca ŭ balnicach Biełastoka. Čakajecca, što žančyna budzie vypisana 17 abo 18 vieraśnia. Mužčynie — kiroŭcu aŭtobusa z Salihorska siońnia budzie zroblena apieracyja. «Žyćciu abodvuch paciarpiełych ničoha nie pahražaje», — skazaŭ pres-ataše pasolstva.

Zielanko źviarnuŭ uvahu na toje, što «ŭdzieł u adnym DTZ dvuch biełaruskich aŭtobusaŭ — trahičnaje supadzieńnie».

«Jany nie jechali razam i prachodzili pahraničny kantrol u rozny čas», — patłumačyŭ pres-ataše.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH