«Dziciačy albom», zbornik narodnych piesień, jakija prapiajanyja admysłova dla dzietak, zrabiŭsia chitom.
— Za adzin dzień paśla vychadu raspradali sto štuk, što dla Biełarusi šmat, — kaža Źmicier Sidarovič, adzin z pradusaraŭ albomu i kiraŭnik hurtu Camelot. — Ideja była vydać nie sto pieršy rok-albom, a zapoŭnić łakunu dziciačaj muzyki.
«Dziciačy albom» — heta 27 narodnych piesień, siarod jakich takija chity, jak «Ciacierka», «Jechaŭ mazur da młyna», «Ładu-Ładki», «Hej, ty, voŭčańka!». Časam — heta aŭtentyčny viaskovy huk, časam — nabližanyja da haradskoha hučańnia pieśni.
— Niekatoryja pieśni z dysku, takija jak «Vierabiej varyŭ piva», nahadvajuć chutčej ramans, čym narodnuju miełodyju, — kaža muzyka Taciana Matafonava, adna z udzielnikaŭ hetaha prajekta. — Tamu my vyrašyli dadać da tradycyjnych narodnych instrumientaŭ šaścistrunnuju hitaru. Jość i stylizacyi pad rok.
Bolšaść hetych piesień pradstaŭlena sučasnamu słuchaču ŭ aŭdyjovaryjancie ŭpieršyniu.
Dysk «Dziciačy albom» kaštuje ad 12 da 17 tys. Jaho možna nabyć: na siadzibie TBM (Rumiancava, 13)
Siadziba BNF (Mašerava, 8), a taksama na sajcie knihi.by
Słuchać jašče:
dziciačaje etna-dyska "Kazioł"
dziciačaja pieśnia "Ładu-ładu-ładki"
