Aktyvisty «Havary praŭdu!» zładzili la HUMa ŭ Minsku sapraŭdny palityčny kancert.Ab namiery pieratvaryć praceduru zboru podpisaŭ u šoŭ udzielniki kampanii «Havary praŭdu!» dy i sam Niaklajeŭ napisali ŭ svaich błohach jašče 5 kastryčnika. Abiacali vidovišča. Tak jano i vyjšła. Apoŭdni ŭ sieradu la HUMa biełaruskaj stalicy łunali dziesiatki ściahoŭ kampanii Niaklajeva, hučali pieśni na jaho słovy (užyvuju i ŭ zapisie), a aktyvisty aktyŭna zaklikali minakoŭ stavić podpisy za paeta.
Sańnikaŭ apiaredziŭ Niaklajeva na hadzinu.
Padpisvalisia za paeta davoli achvotna.
Padtrymać Niaklajeva pryjšli Vajciuškievič i Arłoŭ.
Niaklajeŭ stavić podpis za Ramančuka.
Padtrymać paeta zaklikali maładziony ŭ nacyjanalnych strojach.
Zinaida Bandarenka taksama za Niaklajeva.
Što praŭda, la HUMa podpisy źbirali nie tolki za Niaklajeva.
Vypadkova, ci nie, ale za hadzinu da akcyi «Havary praŭdu!» la kramy źjaviłasia kala siami pikietaŭ Andreja Sańnikava.Tut ža źbirali podpisy niekalki prychilnikaŭ Rymašeŭskaha i Ramančuka. Cikava, što pikiety Sańnikava stajali pravaruč ad uvachodu ŭ HUM, a niaklajeŭskija amal usie levaruč. Praŭda, siabroŭ inicyjatyŭnaj hrupy Niaklajeva było nastolki šmat, što inšyja punkty zboru podpisaŭ siarod ich hublalisia. «Padpisvajciesia za Niaklajeva! Havarycie praŭdu!» — hrymieła z dynamikaŭ. Ludzi padpisvalisia davoli achvotna, ale nie ŭsie. Adzin čałaviek, pačuŭšy takija zakliki, źjedliva prakamientavaŭ:
«A čamu nie adrazu za Pucina i Miadźviedzieva?»
Źjaŭleńnie samoha Uładzimira Niaklajeva la pikietaŭ vyklikała sapraŭdny ažyjataž siarod žurnalistaŭ i prychilnikaŭ. Jaho adrazu anhažavali pradstaŭniki ŚMI i paet im adkazvaŭ: biełaruskim —
«Kali Łukašenka ŭśviadomić svajo stanovišča, to jon sam sydzie. Kali nie, to stvoryć ekanamičny kałaps dla krainy.Z novym prezidentam i Rasija, i Zachad buduć razmaŭlać, z Łukašenkam — nie», — zajaviŭ Niaklajeŭ, paśla čaho abvinavaciŭ u papuliźmie tych palitykaŭ, jakija śćviardžajuć, što Biełaruś stanie siabram ES adrazu paśla ich pieramohi.
Paśla impravizavanaj
«Heta spartyŭnaje spabornictva. Ja padpišusia za ŭsich demakratyčnych kandydataŭ.Kali chacia b dziesiać z nas źbiare pa sto tysiač podpisaŭ, to heta budzie ŭžo miljon», — patłumačyŭ Niaklajeŭ. Za ŭsich padpisacca nie ŭdałosia — la HUMa byli pikiety tolki Ramančuka, Sańnikava i Rymašeŭskaha. Śledam za lidaram «Havary praŭdu!» svaje podpisy pastavili i kiraŭniki jaho štaba.
Naprykancy Niaklajeŭ praśpiavaŭ razam sa Źmitrom Vajciuškievičam pieśniu na svaje vieršy, sfatahrafavaŭsia z Uładzimiram Arłovym, dy zahadaŭ svaim aktyvistam aktyŭniej źbirać podpisy.
