Zdymacca ŭśled za Hajdukievičam 9

Ja nia budu aryhinalnym i paćviardžu vykazanuju mnohimi dumku: paśla źniaćcia Hajdukievičam svaje kandydatury z vybaraŭ apazycyja pavinna zdymać svaje kandydatury taksama, kab pakinuć u biuleteniach tolki Alaksandra Łukašenku, maksymum ź niejkimi nikomu nieviadomymi kandydatami.

Vybary adsutničajuć, zdabyćcio ŭłady ciaham hetaha hałasavańnia niemahčymaje. Pa-dobrym, treba zdymacca z honki z tydzień-dva da dnia hałasavańnia, vyniki jakoha nichto ŭsio roŭna nia budzie padličvać.

---

Nie ŭsie demakraty zdolejuć sabrać sto tysiač podpisaŭ dla vyłučeńnia kandydatury: padobna, što sabrać ich zmoža Uładzimir Niaklajeŭ i, mahčyma, Andrej Sańnikaŭ ci Jarasłaŭ Ramančuk abo jašče adzin-dva kandydaty. Tym praściej budzie damaŭlacca i pryjści da adzinaha pravilnaha rašeńnia: paśla zakančeńnia zboru podpisaŭ, za tydzień da vybaraŭ,

efiektnym krokam była b ahulnaja zajava i źniaćcie z honki ŭsich demakrataŭ, kab pakinuć u biuleteni adno-adzinaje, usim viadomaje proźvišča.

U vypadku źniaćcia demakrataŭ z vybaraŭ dla ŭłady zastajucca nastupnyja varyjanty:

— pravodzić biezalternatyŭnyja vybary jak jość, z adnym kandydatam, i vystaŭlać «karala hołym»;

— jurydyčna sabatavać źniaćcie kandydaturaŭ, hublać dakumienty, zaciahvać praceduru i hetak dalej;

— pieranosić vybary na paźniejšy termin, na niekalki miesiacaŭ padviešvajučy situacyju i aŭtamatyčna staviačy pad sumnieŭ lehitymnaść prezidenta.

Pieršy varyjant — najbolš imavierny. Jakuju b isteryku nie raspačała aficyjnaja miedyjnaja mašyna paśla źniacca demakrataŭ, vybary z adnym kandydatam u biuleteni nichto nie budzie ŭsprymać surjozna — ani Zachodniaja Jeŭropa, ani hramadstva.

Za piatnaccać hadoŭ apazicyja nazapasiła dastatkova arhumientaŭ, kab apraŭdać biessensoŭnaść svajho ŭdziełu i zapatrabavać paŭnavartasnaha demakratyčnaha hałasavańnia pad mižnarodnym kantrolem.

Abhruntavać bajkot i davieści hetyja arhumienty da publiki — heta sprava techniki.

Chaj apazicyju nie padmanvaje nibyta biesprecedentna «libieralnaja» na siońniašni momant chada pieradvybarčaj kampanii

(tolki padumać — ničoha nie paviedamlajecca pra aryšty i pieraškody źbiralnikam podpisaŭ). Chaj nie turbuje hałavu navat tearetyčnaja (moža, navat i niemałaja) mahčymaść druhoha turu: kančatkovy vynik vybaraŭ ad najaŭnaści hetych «dekaracyj» nie źmienicca ni na kaliva. Naadvarot, dalejšy ŭdzieł apazicyi dy vonkavyja prykmiety zakonnaści mohuć paspryjać tamu, što Jeŭrapiejski Źviaz narešcie pryznaje hetyja niesumlennyja vybary «častkova demakratyčnymi». Ci heta ŭ intaresach demakratyčnaj hramadskaści?

Zrazumieła, što ŭłady nie stali b vyvodzić z hulni Hajdukieviča (a źniaćcie jahonaj kandydatury bačycca mienavita jak elemient taktyki, jakuju na hetych vybarach ažyćciaŭlajuć ułady), kali b nie mieli peŭnaści, što demakraty nie buduć zdymać svaje kandydatury. Siarod inšaha, demakraty naŭrad ci majuć finansavyja resursy na paŭnavartasny ŭdzieł u pazačarhovaj vybarčaj kampanii. Chacia pavodle znajomych sa spravaj ludziej, u vypadku realnaj mahčymaści pazbavicca ad dyktatara, hrošy ad zacikaŭlenych zamiežnych krynic pačynajuć pastupać imhnienna i ŭ valizkach…

Jak by tam ni było,

źniaćcie kandydaturaŭ demakrataŭ jak minimum było b realnym parušeńniem scenaru, jaki byŭ aprabavany ŭładami ŭ 2001 i 2006 hh. i ŭ ažyćciaŭleńni jakoha ŭłada zacikaŭlenaja i sioleta.

Va ŭmovach, kali pieramoha pavodle naskroź butaforskaj «vybarčaj pracedury» vyklučanaja, heta — hałoŭnaje.

// Čytać całkam

Aleś Čajčyc

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH