Apieracyja: DAI budzie praviarać ahniahaśniki 1

Sumiesnaja prafiłaktyčnaja akcyja DAI i MNS «Biaśpiečny aŭtamabil» upieršyniu projdzie ŭ Minsku 18–19 listapada,

paviedamili ŭ adździele pa ahitacyi i prapahandzie UDAI HUUS Minharvykankama.

Inśpiektary DPS buduć spyniać mašyny i akramia standartnaj pravierki dakumientaŭ paprosiać pakazać vohnietušyciel.

Kali jon adpaviadaje ŭsim patrabavańniam, to supracoŭniki MNS uručać kiroŭcu suvienir. Dla asobnych aŭtaŭładalnikaŭ jany praviaduć navat majstar-kłasy pa vykarystańniu vohnietušycielaŭ i raskažuć ab asnoŭnych pryčynach uzharańniaŭ aŭtamabilaŭ.

Pavodle źviestak DAI, sioleta ŭ Minsku adbyłosia ŭžo bolš jak 170 uzharańniaŭ aŭtatranspartnych srodkaŭ.

Asnoŭnaja pryčyna — niaspraŭnaść elektrapravodki i paliŭnaj sistemy. Ale byvaje i tak, što pažar u sałonie aŭtamabila adbyvajecca z-za niepatušanaj cyharety. Dziaržaŭtainśpiekcyja zaklikaje admovicca ad kureńnia pry kiravańni mašynaj, bo cyhareta pieraškadžaje vadzicielu ŭvažliva sačyć za darohaj hetak ža, jak i razmova pa mabilnym telefonie.

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH