Alaksandr Łukašenka ličyć mahčymym pieratvareńnie Biełarusi ŭ druhuju Šviejcaryju. Pra heta jon zajaviŭ 17 śniežnia padčas naviedvańnia ŭ Minsku hałoŭnaha schovišča Nacyjanalnaha banka.
«My stavim zadaču, kab Biełaruś stała druhoj Šviejcaryjaj, kab asnoŭnyja finansavyja hulcy mieli tut svaju placoŭku», — skazaŭ jon.
Łukašenka padkreśliŭ, što hrošy lubiać cišyniu. «Im demanstracyi, vybuchi nie patrebnyja. Jak tolki pačynajucca vybuchi, hrošy sychodziać. Važna i nadalej zachoŭvać stabilnaść, a zrabić my heta možam», — zajaviŭ biełaruski kiraŭnik.
Jon paabiacaŭ, što ŭ najbližejšyja piać hadoŭ ekanomika krainy nie sutykniecca z tymi prablemami, jakija joj daviałosia pieražyć padčas suśvietnaha finansavaha kryzisu. «Nie dumaju, što piacihodka budzie ciažkaj. Nam udałosia damovicca nie tolki z Maskvoj… Ale i ŭ płanie enierharesursaŭ udałosia prasunucca pa mnohich kirunkach, i jość jašče reziervy», — skazaŭ Łukašenka.
0
0
0
0
0
0
