U hetym uryŭku repartaža dziaržaŭnaha sputnikavaha telekanała «Biełaruś TV» raskazvajecca pra napad śpiecnaza na kałonu niaklajeŭcaŭ u rajonie vulicy Niamiha 19 śniežnia. Praŭda, hetaja padzieja padajecca jak dźvie asobnyja. Pieršaja navina telekanała — «padvypiŭšaja maładziož» zładziła patasoŭku ź milicyjaj, baroniačy dva aŭtobusy, u jakich «pa infarmacyi pravaachoŭnych orhanaŭ była vybuchoŭka». Druhaja navina — u rajonie Niamihi zatrymany aŭtobus z dubinkami, žaleznymi prutami, hazavymi bałončykami i h. d.
Nasamreč nievialikaja kałona na čale ź Niaklajevym i Statkievičam supravadžała mikraaŭtobus z hukaaparaturaj. Na jaje nalacieli cichary, z dapamohaj dubinak i šumavych hranataŭ pakłali apazicyjanieraŭ na ziamlu i vykrali aparaturu. Niaklajeva, nieprytomnaha paśla źbićcia, zanieśli nazad u ofis.
Ź inšaha boku: całkam dziaržaŭnyja žurnalisty realnaść nie skazili. Sapraŭdy, aproč busika z aparaturaj, byli dva aŭtobusy z vybuchoŭkaj, dubinkami i hazavymi bałončykami. Tyja, na jakich pryjechali śpiecnazaŭcy.
