U Minsku pačała pracu doŭhaterminovaja mižnarodnaja naziralnaja misija Kamiteta mižnarodnaha kantrolu za situacyjaj z pravami čałavieka ŭ Biełarusi. Inicyjatarami stvareńnia kamiteta stali niaŭradavyja arhanizacyi krain SND — Rasii i Ŭkrainy.
U składzie kamiteta ŭžo amal 30 niaŭradavych arhanizacyj, ale pryncypova niama i nie budzie nivodnaj biełaruskaj struktury. Jak zajaŭlaje kiraŭnik misii Andrej Juraŭ, u hetym «prajaŭlajecca imknieńnie zachavać niejtralitet misii ŭ dačynieńni da palityčnaj situacyi, jakaja skłałasia».
Meta naziralnaj misija palahaje ŭ pastajannym manitorynhu i mižnarodnym kantroli za situacyjaj z zachavańniem fundamientalnych pravoŭ čałavieka, stanoviščam pravaabaroncaŭ i pravaabarončych arhanizacyj u Biełarusi.
Akramia taho, mižnarodny kamitet budzie vypracoŭvać rekamiendacyi orhanam ułady Biełarusi i nadnacyjanalnym orhanam pa narmalizacyi situacyi ŭ krainie i pryviadzieńni jaje ŭ strohuju adpaviednaść ź mižnarodnymi abaviazacielstvami, jakija ŭziaty na siabie biełaruskim uradam, i ŭnutranymi normami.
Padkreślivajučy svaju palityčnuju niejtralnaść, kamitet zaklikaje da adkrytaha supracoŭnictva jak dziaržaŭnyja orhany Biełarusi, tak i niaŭradavy siektar, u tym liku hramadzianskija i pravaabarončyja arhanizacyi.
