Ivan Haponaŭ źjaŭlajecca hramadzianinam Rasijskaj Fiederacyi, chacia stała pražyvaje ŭ Biełarusi.
Za ŭdzieł u akcyi pratestu 19 śniežnia byŭ asudžany na 10 sutak administratyŭnaha aryštu. Uviečary 29 śniežnia jon byŭ vyzvaleny siarod inšych rasijskich hramadzian, ale dadomu nie viarnuŭsia i staŭ jašče adnym padazravanym pa kryminalnaj spravie ab masavych biesparadkach. Ivan byŭ dapytany ŭ prysutnaści dziažurnaha advakata i źmieščany ŭ izalatar na Akreścina, tam ź im 31 śniežnia sustreŭsia rasijski konsuł.
Zranku 1 studzienia stała viadoma, što
adrazu ž paśla sustrečy z konsułam Ivan Haponaŭ byŭ pieraviedzieny ŭ SIZA na vulicy Vaładarskaha.
Proźvišča druhoha rasijskaha hramadzianina, jaki prachodzić u jakaści padazravanaha pa kryminalnaj spravie ab masavych biesparadkach, pravaabaroncam pakul nieviadoma. Usich, chto vałodaje infarmacyjaj pra hetaha čałavieka, prosim paviedamić pa adrasu: [email protected]
Zatrymanamu patrabujecca terminovaja advakackaja dapamoha.
