Źmiciera Daškieviča i Eduarda Łobava pieraviali ŭ Žodzinskuju turmu № 8. Pra heta stała viadoma 1 studzienia. Pa papiarednich dadzienych, 5 studzienia im moža być pradjaŭlenaje abvinavačvańnie.
Maładafrontaŭcy Źmicier Daškievič, Eduard Łobaŭ i Dzianis Łazar 18 śniežnia ŭ Miensku byli zatrymanyja pa padazreńni ŭ ździajśnieńni chulihanskich dziejańniaŭ u adpaviednaści z uzbudžanaj kryminalnaj spravaj pa č. 3 art.339 Kryminalnaha kodeksa.
Pa viersii śledstva, Daškievič, Łazar i Łobaŭ z chulihanskich padachvočvańniaŭ biespadstaŭna i naŭmysna, kułakami i mietaličnym abcuhami źbili dvuch hramadzian.
28 śniežnia ranicaj byŭ adpuščany na svabodu Dzianis Łazar i ŭsie padazreńni ź jaho źniatyja, sprava ŭ dačynieńni da jaho spyniena. Źmitru Daškieviču i Eduardu Łobavu abvinavačvańnie taksama nie było pradjaŭlenaje, ale ich znachodžańnie pad aryštam padoŭžanaje jašče na 10 sutak.
0
0
0
0
0
0