U Centralnym univiersalnym mahazinie Mahilova złodziej abčyściŭ kasu aktualnaha pierad śviatami adździeła navahodnich cacak.
Zdareńnie adbyłosia kala 6-j hadziny viečara — u samy čas-pik, kali idzie vialiki napłyŭ pakupnikoŭ, i pradaŭcy litaralna razryvajucca pamiž imi. Mužčyna nibyta zacikaviŭsia navahodnimi paštoŭkami, skarystaŭ momant, kali pradavačka adviarnułasia, i svabodna zabraŭ z kasy istotnuju sumu — 1 miljon 385 tysiač rubloŭ.
Pakupniki paviedamili pradaŭcu niepryjemnuju navinu, i žančyna kinułasia naŭzdahon. Usie šancy ŭ jaje byli, tamu što ŭ złodzieja była viernaja prykmieta — zahipsavanaja naha i mylicy. Jakraz u hety momant kala ŭniviermaha prachodzili achoŭniki paradku, i pradavačka źviarnułasia da ich z haračaj prośbaj paśpiašacca i adšukać złodzieja.
Litaralna ŭ sotni mietraŭ čałavieka na mylicach zatrymali. Im akazaŭsia 29-hadovy žychar Mahilova, jakoha raniej sudzili až 8 razoŭ i jaki ciapier adbyvaŭ pakarańnie za kradziež na «chimii». Pry maładym čałavieku byli hrošy, skradzienyja z «navahodniaha» adździeła.
Źviazda
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH