Žonkueks-kandydata Miłanu Michalevič nie puścili ŭ Varšavu na kanfierencyju pa Biełarusi.
Miłana Michalevič z dačkoj Alonaj. Fota Alesia Pileckaha.
Ab takim rašeńni śpiecsłužbaŭ Miłanu Michalevič painfarmavali a druhoj hadzinie nočy. Supracoŭniki KDB spynili aŭtamabil, u jakim jana jechała ŭ Varšavu. «Spynili a druhoj hadzinie nočy ŭžo za Baranavičami. Supracoŭnik miascovaha HB aznajomiŭ Miłanu Michalevič z rašeńniem «kampietentnaha orhana» pra zabaronu joj u vyjeździe za miažu, da pryniaćcia rašeńnia pa spravie muža. Ad Mienska i nazad nas supravadžała minimum piać mašynaŭ z dvuma–čatyrma supracoŭnikami ŭ kožnaj», — napisaŭ u svaim fejsbuku Juraś Hubarevič. Hubarevič pavioz Miłanu, paśla taho jak joj nie dali mahčymaści sieści na ciahnik u Minsku.
Pieršapačatkova žonka Alesia Michaleviča mieła vyjechać u Varšavu ciahnikom, adnak uviečary 12 studzienia da jaje dadomu pryjšli z čarhovym
pieratrusam. Žančyna prosta fizična nie paśpieła na ciahnik.
Nahadajem taksama, što rašeńniu naviedać polski Sojm papiaredničaŭ telefonny zvanok Alesia Michaleviča z turmy. Sa słovaŭ Miłany Michalevič, jaje muž pad dyktoŭku supracoŭnikaŭ KDB pierakonvaŭ žonku ŭ niepatrebnaści pajezdki.
