Ministerstva justycyi vyniesła piśmovaje papiaredžańnie Biełaruskamu Chelsynskamu kamitetu za «nieabjektyŭnuju» infarmacyju, nakiravanuju ŭ mižnarodnyja arhanizacyi.
«Ministerstva justycyi rasceńvaje infarmacyju Biełaruskaha Chelsynskaha kamiteta, nakiravanuju ŭ mižnarodnyja arhanizacyi, jak tuju, jakaja nieabjektyŭna adlustroŭvaje pracu dziaržaŭnych i pravaachoŭnych orhanaŭ pa padtrymańniu ŭ respublicy stabilnaści i pravaparadku, naŭmysna skažaje realnuju abstanoŭku ŭ krainie, sprobu dyskredytavać Respubliku Biełaruś u vačach suśvietnaj hramadzkaści», — paviedamlaje Interfaks.
Staršynia BCHK Aleh Hułak prakamentavaŭ dla Radyjo Svaboda papiaredžańnie, jakoje vyniesła Biełaruskamu Chelsynskamu kamitetu Ministerstva justycyi.
Hułak dadaŭ, što hetaje papiaredžańnie — pieršaje ciaham hodu ŭ BKCH, i zajaviŭ, što jano budzie abskardžana ŭ Viarchoŭnym sudzie Biełarusi. Hułak źviarnuŭ asablivuju ŭvahu na toje, što Minjust abvinavaciŭ BCHK u dyskredytacyi Respubliki Biełaruś — jak viadoma, u Kryminalnym kodeksie isnuje adpaviedny artykuł, jaki, adnak, pakul nie ŭžyvaŭsia.
«My, biezumoŭna, budziem praciahvać svaju pravaabarončuju dziejnaść bieźjakoha-kolečy źnižeńnia našaj aktyŭnaści ŭ suviazi z papiaredžańniem. BCHK stvorany dziela hramadzkaha kantrolu nad dziejańniami ŭłady», — adznačyŭ Hułak.
«Minjust prademanstravaŭ niecyvilizavany padychod da vyrašeńnia sprečnych pytańniaŭ. My prosta vykazali svajo mierkavańnie nakont taho, jak my bačym sytuacyju. Kali Minjust ličyć, što pavinna być tolki adno mierkavańnie, to, spadziajusia, my hetyja časy ŭžo prachodzili», — zajaviŭ staršynia BCHK.
