Pra heta paviedamiŭ daradca rasijskaha pasolstva ŭ Biełarusi Vadzim Husieŭ.
«Učora list pieradali pasłu i ŭ toj ža dzień jano było adpraŭlena ŭ Maskvu adrasatu», — skazaŭ jon.
10 lutaha pasoł Rasii ŭ Biełarusi Alaksandr Surykaŭ sustreŭsia z žonkami Alaksieja Michaleviča, Dźmitryja Bandarenki i Mikałaja Statkieviča. Hetyja palityki ŭvachodziać u lik 42 abvinavačanych u arhanizacyi i ŭdziele ŭ masavych biesparadkach u Minsku 19 śniežnia 2010 hoda.
Jak paviedamiła Miłana Michalevič, sustreča była «davoli praciahłaj». «Padčas hutarki pasoł niekalki razoŭ paŭtaryŭ frazu ab tym, što ŭłada pavinna być vielikadušnaj i miłasernaj da svaich hramadzian. Jon taksama adznačyŭ, što ŭ pytańni vyzvaleńnia ludziej pazicyja Rasii supadaje ź jeŭrapiejskaj pazicyjaj, i nahadaŭ pra niadaŭniuju zajavu ministra Łaŭrova», — skazała Michalevič.
U zvarocie da Dźmitryja Miadźviedzieva svajaki palitźniavojenych prosiać zrabić
«usio mahčymaje, kab abrazumić biełaruskija ŭłady, jakija zapuścili machavik represij, jaki siońnia pieramołvaje los tysiač ludziej u Biełarusi».
List padpisali Ała Sańnikava, Volha Bandarenka, Uładzimir Chalip, Lucyna Bialzackaja, Darja Korsak (Atroščankava), Nadzieja Radzina, Uljana Kobiec, Uładzimir Pałažanka, Maryna Adamovič (žonka Statkieviča), Miłana i Alena Michalevič, Zoja Jaŭmienava, Maryna Fiaduta.
Nahadajem, raniej Miadźviedzieŭ daručyŭ rasijskamu MZS uličvać u svajoj pazicyi mierkavańnie pravaabaroncaŭ ab padziejach u Biełarusi paśla prezidenckich vybaraŭ. «Mahu vam skazać prama i chaču, kab usie našy biełaruskija siabry, u šyrokim sensie hetaha słova, viedali pra maju pazicyju. Mianie taksama ździŭlaje toje, što tam adbyłosia, i ja daŭ daručeńnie, kab na tyja arhumienty, jakija vy pryvodzicie ŭ svaim zvarocie, źviarnuła ŭvahu Ministerstva zamiežnych spraŭ pry vypracoŭcy dypłamatyčnaj pazicyi Rasijskaj Fiederacyi ŭ cełym», — zajaviŭ Miadźviedzieŭ 1 lutaha na pasiadžeńni Savieta pa raźvićci hramadzianskaj supolnaści i pravach čałavieka.
Što da pohladu na raźvićcio palityčnaha žyćcia ŭ Biełarusi, to Dźmitryj Miadźviedzieŭ prapanavaŭ hramadskim dziejačam źviarnucca da jaho błoha. «Usie astatnija rečy kamientavać nie budu, prapanoŭvaju źviarnucca da pieršakrynicy — majho błoha. Ja,
