ZŠA — Aŭstralija, 2010, kalarovy, 3D, 109 chv.
Režysior: Alister Hryrsan
Roli vykonvajuć: Ryčard Roksburh, Joan Hryfit, Ryz Uejkfiłd, Elis Parkinsan, Denieł Uili, Krystafer Bejkier
Žanr: Pryhody
Adznaka: 6 (z 10)
Hrupa dajvieraŭ spuskajecca ŭ hłybokuju ziamnuju piačoru. Ale trapičny cykłon adsiakaje im šlach navierch. U hierojaŭ jość šaniec vybracca, kali jany znojduć šlach da akijana, abminajučy niebiaśpiečnyja padvodnyja pastki.
Karcina, spradusavanaja Džejmsam Kemieranam, — suvoryja pryhody ŭ ekstremalnych umovach. Zabłytanyja čornyja łabirynty, novyja chvaroby, biazdonnyja pravały, padziemnaja raka-miasakrutka pavyšajuć staŭki hulni. Cana — žyćcio.
Ale, chacia film pastaŭleny pavodle realnych padziej, što adbylisia sa scenarystam karciny Endru Uajtam,
karcina — archaičny rytuał ź piačornaj ideałohijaj.
Džejms Kemieran pakłapaciŭsia, kab padvodnyja zdymki adbylisia pa stereatechnałohii «Avataru» — z abjomnymi efiektami, cieniami, chałodnym padziemnym koleram.
U padziemnych piačorach razyhryvajecca biaźlitasnaja baraćba za vyžyvańnie macniejšaha.
Spačuvańnie paśladoŭna dyskredytujecca,bo pryvodzić da słabaści. A słabaść — panika, jakoj musić nie być. Centralny epizod «mocy» — eŭtanazija. Hałoŭny hieroj vučyć svajho syna, što Boha niama dyj abviaščaje siabie piačornym stodam.
Kožny stod patrabuje achviaraŭ, jakija nie prymusiać siabie čakać.
Pad maskaju ekstremalnych pryhodaŭ — pahanskaje stodapakłanieńnie, jakoje ŭpadabali b u Trecim Rejchu.
Ale tak zdaryłasia, što nicšeanskija idei atabarylisia ŭ karcinie režysiora-debiutanta ź nieviadomymi akciorami. Aŭstralijskaja pryroda j Džejms Kemieran adšlifavali hetyja idei da niebiaśpiečnaha 3D-vidovišča.
