Videa: Michalevič u Prazie 21

Biełaruskaja hramada ŭ Prazie ŭskłała kvietki da mahiłaŭ dziejačoŭ BNR na Alšanskich mohiłkach.

Siońnia praskija biełarusy pryjšli na Alšanskija mohiłki, dzie pachavanyja prezydenty Rady Biełaruskaj Narodnaj Respubliki Piotra Krečeŭski i Vasil Zacharka, ministar unutranych spraŭ BNR Tamaš Hryb (jahonaja mahiła była stračanaja šmat hadoŭ tamu) i śpiavak Michaś Zabejda-Sumicki.

Biełarusy ŭskłali kvietki da mahiłaŭ dziejačoŭ nacyjanalnaha Adradžeńnia. Unijacki śviatar a. Andruś Abłamiejka pračytaŭ malitvy, prysutnaja praśpiavali «Mahutny Boža».

Z karotkaj pramovaj da prysutnych źviarnuŭsia eks-kandydat u prezydenty Biełarusi Aleś Michalevič, jaki skazaŭ, što chacia i atrymaŭ palityčny prytułak u Čechii, ale nia maje «ambicyjaŭ być emihracyjnym palitykam», i pažadaŭ sustrakać nastupnyja ŭhodki Aktu 25 sakavika ŭ Biełarusi jak dziaržaŭnaje śviata.

0

0

0

0

0

0

AB pavodle Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH