Biełaruś apłačvaje rasijski haz z raźliku 223 dołary za tysiaču kubamietraŭ

Biełaruś ciapier apłačvaje rasijski haz z raźliku 223 dołary za tysiaču kubamietraŭ. Ab hetym paviedamiŭ žurnalistam 25 sakavika ŭ Minsku hienieralny dyrektar AAT «Biełtransahaz» Uładzimir Majoraŭ.

«Heta cana pieršaha kvartała. Canu na nastupny kvartał ja nie budu nazyvać», — skazaŭ Majoraŭ.

Jak paviedamlałasia raniej, 24 sakavika ŭ Maskvie adbyłasia sustreča kiraŭnika «Hazproma» Alaksieja Milera i pieršaha namieśnika prem'jer-ministra Biełarusi Uładzimira Siamaški. Pres-słužba rasijskaha hazavaha chołdynhu paviedamlała, što z pačatku 2011 hoda «Hazprom» pastaviŭ u Biełaruś bolš čym 5,7 młrd. kubamietraŭ pryrodnaha hazu. «Baki abmierkavali asnoŭnyja pytańni dvuchbakovaha supracoŭnictva. U pryvatnaści, razmova išła pra pastaŭki i tranzit hazu», — havaryłasia ŭ paviedamleńni.

U 2011 hodzie čakajecca pastaŭka ŭ Biełaruś 22,5 młrd. kubamietraŭ rasijskaha hazu. Letaś Minsk kupiŭ u «Hazproma» 21,57 młrd. kubamietraŭ hazu, u 2009-m — 17,6 młrd. kubamietraŭ.

Nahadajem, što «Biełtranshaz» i «Hazprom» u 2011 hodzie pavinny padrychtavać kantrakt ab farmiravańni cany na haz dla Biełarusi ŭ 2012–2014 hadach z ulikam paetapnaha vychadu RF na roŭnadachodnyja ceny na haz da 1 studzienia 2015 hoda.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH