Z 2012 hoda budzie dziejničać adziny paradak vydzialeńnia ziamielnych učastkaŭ pad budaŭnictva žylla, paviedamiŭ na
Jon nahadaŭ, što ŭ abłaściach isnuje svoj paradak vydzialeńnia ziamielnych učastkaŭ dla budaŭnictva indyvidualnaha žylla, i kožny vykankam maje na mecie zachavać raniejšy paradak.
«Ale heta niemahčyma. Z novaha hoda budzie dziejničać adziny paradak vydzialeńnia ŭčastkaŭ. Ciapier adpaviedny prajekt pastanovy ŭrada rychtujecca Dziaržkammajomaściu i abmiarkoŭvajecca z vykankamami», — paviedamiŭ Hajeŭ.
Pry hetym jon padkreśliŭ, što novy paradak nijak nie pahoršyć stanovišča hramadzian, jakija ŭžo stali na čarhu pavodle dziejnych praviłaŭ. «I my ŭsio dla hetaha robim», — zajaviŭ pradstaŭnik DKM.
Jon nahadaŭ, što
da kanca hoda ŭsie, chto maje patrebu, u tym liku chto staŭ na čarhu na atrymańnie ziamielnaha ŭčastka ŭ hetym hodzie, pavinny być imi zabiaśpiečany.Takaja zadača pastaŭlena ŭradam pierad abłvykankamami.
Dla hetaha vykankamami viadziecca rabota pa raspracoŭcy horadabudaŭničaj dakumientacyi na rajony zabudovy, padbirajucca adpaviednyja terytoryi.
Pavodle słoŭ Hajeva, zhodna z apošnimi źviestkami, kolkaść hramadzian, jakija majuć patrebu i pretendujuć na atrymańnie ziamielnych učastkaŭ, składaje kala 50 tysiač čałaviek. Razam z tym miascovyja orhany ŭłady sutyknulisia ź niekatorymi prablemami. Tak, nie ŭsich zadavalniajuć ziamielnyja ŭčastki, što prapanoŭvajucca pad budaŭnictva. Mnohija chočuć atrymać ziamlu niepadalok ad abłasnych centraŭ.
«Ale treba razumieć, što Minski i inšyja rajony vakoł abłasnych centraŭ nie humavyja. I dać usim achvotnym ziamielnyja ŭčastki ŭ miežach 5–10 km ad abłasnoha centra niemahčyma», — padkreśliŭ Hajeŭ.
U toj ža čas jon razumieje i hramadzian, zacikaŭlenych u atrymańni ziamielnych učastkaŭ na terytoryjach, jakija majuć choć by minimalnuju infrastrukturu.
«Tamu ŭrad pastaviŭ pierad vykankamami zadaču zabiaśpiečvać terytoryi choć by minimalnaj infrastrukturaj, kab čałaviek moh padjechać na hety ziamielny ŭčastak i pačać pracavać», — padkreśliŭ Hajeŭ.
