Uvoz lehkavych aŭtamabilaŭ u Biełaruś fizičnymi asobami ŭ druhim paŭhodździ 2011 hoda ŭpaŭ bolš jak u 60 razoŭ, paviedamiŭ siońnia žurnalistam namieśnik staršyni Dziaržaŭnaha mytnaha kamiteta Biełarusi Siarhiej Barysiuk.
«Kali ŭ pieršym paŭhodździ 2011 hoda fizičnymi asobami było ŭvieziena prykładna 250 tys. lehkavych aŭtamabilaŭ, to ŭ druhim paŭhodździ heta ličba skłała amal 4 tys.Što datyčycca ŭvozu lehkavych aŭtamabilaŭ jurydyčnymi asobami, to za ŭvieś 2011 hod imi było ŭvieziena 29 tys. lehkavych transpartnych srodkaŭ», — skazaŭ Siarhiej Barysiuk.
Jon taksama adznačyŭ, što z pačatkam funkcyjanavańnia Adzinaj ekanamičnaj prastory źmianiłasia nahruzka na mytnyja orhany Biełarusi. «Kali paraŭnoŭvać pačatak 2012 hoda z pačatkam 2011 hoda, to kolkaść hruzavych transpartnych srodkaŭ, jakija pierasiakajuć biełaruski ŭčastak hranicy Mytnaha sajuza, pavialičyłasia na 20%. Heta vielmi istotnaja ličba dla studzienia», — kanstatavaŭ namieśnik staršyni DMK.
0
0
0
0
0
0
