Za tydzień tvor prychilnikaŭ adnoj z samych papularnych karcin usich časoŭ pahledzieli bolš za 1 młn razoŭ.
Film, jaki całkam uznaŭlaje aryhinalnuju karcinu, byŭ składzieny z 472 adrezkaŭ daŭžynioj 15 siekund.
Karystalniki vybirali svaje lubimyja epizody filma, paśla čaho prajhravali ich lubymi ŭpadabanymi im srodkami. Usiaho kožny karystalnik moh prajhrać da 3 frahmientaŭ. Paśla hetaha kiraŭniki prajekta vybrali najlepšyja frahmienty, złučyŭšy ich u adzin film.
Hałoŭnym patrabavańniem było prytrymlivańnie scenaru i tekstu dyjałohaŭ, va ŭsim astatnim karystalniki mahli prajavić fantaziju. U chod išła jak aktorskaja ihra, tak i roznyja vidy animacyi — kamputarnaja, lalečnaja i navat płastylinavaja.
Dla adnaŭleńnia śpiecefiektaŭ vykarystoŭvalisia samyja roznyja srodki —tak, u adnoj sa scen u jakaści śvietłavoha miača Luka Skajuokiera vykarystanaja muchabojka. Taksama byli dadadzienyja aluzii na inšyja viadomyja tvory suśvietnaha kiniematohrafa — ad filmaŭ Inhmara Bierhmana da multyplikacyjnaha filma «Žoŭtaja padvodnaja łodka» z udziełam hurta «Bitłz».
Paviedamlajecca, što sam Džordž Łukas i jaho kampanija Lucasfilms vykazali prajektu svaju padtrymku.
Film «Zornyja vojny: Novaja nadzieja» vyjšaŭ u prakat 25 maja 1977 i zrabiŭsia adnym z samych papularnych