Viečaram 3 lutaha ŭ lesie la vioski Jackava Vałožynskaha rajona rabotniki mižrajonnaj staŭbcoŭskaj inśpiekcyi pa achovie žyvielnaha i raślinnaha śvietu pry prezidencie RB znajšli cieły troch zubroŭ biez hałovaŭ.
Načalnik Vałožynskaha rajonnaha adździeła śledčaha kamiteta Vital Jurevič paviedamiŭ, što hałovy byli schavanyja niedaloka ad cieł.
Milicyja zatrymała dvuch rabotnikaŭ vałožynskaj lasnoj haspadarki, jakija mohuć mieć dačynieńnie da niezakonnaha palavańnia.
Pa słovach Vitala Jureviča, adnaho rabotnika lashasa pa padazreńni ŭ dačynieńni da złačynstva zatrymali ŭ subotu, druhoha – u niadzielu. Ciapier jany dajuć pakazańni pa niezakonnym adstrele žyvioł u ramkach uzbudžanaj kryminalnaj spravy pa niezakonnym palavańni, ździejśnienym u bujnym pamiery.
Pavodle papiarednich dadzienych, vałožynskija leśniki supravadžali hrupu rasijskich palaŭničych, adzin ź jakich i stralaŭ pa zubrach.
Zatrymanyja ciapier znachodziacca ŭ izalatary časovaha ŭtrymańnia. Vyrašajecca pytańnie pa zaklučeńni ich pad vartu.
