Najbolš niebiaśpiečnyja nierehulavanyja skryžavańni Homiela da 1 červienia abstalujuć śviatłaforami.
Usiaho, u adpaviednaści z prahramaj pa arhanizacyi biaśpieki darožnaha ruchu, zaćvierdžanaj harvykankamam, płanujecca ŭstanavić vosiem śviatłaforaŭ, u tym liku na skryžavańni vulic Iljiča i Mižnarodnaj, pobač ź jakim znachodziacca try dziciačyja ŭstanovy.
Za terminovuju ŭstanoŭku śviatłafora ŭ hetym miescy zmahalisia aktyvisty hramadzianskaj kampanii «Naš dom», jakija sabrali jašče ŭ žniŭni 2011 hoda 100 podpisaŭ žycharoŭ mikrarajona.Jak paviedamiŭ aktyvist kampanii «Naš dom» Andrej Aksionaŭ, kalektyŭnaja skarha z prośbaj nakiravać deputacki zapyt u DAI była adpraŭlenaja deputatu harsavieta Mikałaju Hrycenku.
Pytańnie było ŭziataje na kantrol Homielskim harsavietam. DAI vyniesła zaklučeńnie, što skryžavańnie padlahaje abstalavańniu śviatłaforam. Haradskim upraŭleńniem ŽKH u kastryčniku była raspracavanaja