Aŭtara płakata «Musarok» minčuka Ivana Amielčanku sud Maskoŭskaha rajona Minska asudziŭ jašče na 10 sutak administracyjnaha aryštu. Pra heta paviedamili svajaki i siabry Ivana Amielčanki, jakija znachodziacca ŭ Maskoŭskim sudzie.
«Na sam praces nikoha nie puścili, navat maci. Pryznali vinavatym u brydkasłoŭi i znoŭ dali aryšt, hetym razam na 10 sutak. Usio jak pa trafarecie. My bačyli Ivana, kali jaho vyvodzili ź milicejskaha "bobika" — schudnieły, ale trymajecca dobra. Skazaŭ, što abychodzilisia ź im narmalna», — paviedamiła hramadskaja aktyvistka Maryja Krot.
Ivan Amielčanka byŭ pakarany na 15 sutak paśla taho, jak padčas Čarnobylskaha šlachu ŭ krasaviku trymaŭ u rukach płakat «Musarok», dzie strełka pakazvała ŭ bok čałavieka ŭ cyvilnym, jaki zdymaŭ šeście na videa. Na aktyvista niekalki dzion palavali milicyjanty, ale tak i nie znajšli. U milicyju Ivan Amielčanka pryjšoŭ sam.
0
0
0
0
0
0
