Pryniata rašeńnie ab vydzialeńni Biełarusi treciaha tranšu stabilizacyjnaha kredytu z Antykryzisnaha fondu JeŭrAzES, paviedamiŭ prezident Rasii Uładzimir Pucin padčas padychodu da presy pavodle vynikaŭ pieramoŭ z Alaksandram Łukašenkam 31 maja ŭ rezidencyi «Zasłaŭje».
«My pryniali rašeńnie ab vydzialeńni treciaha tranšu kredytu (440 młn. dołaraŭ ZŠA) i pačniem pieramovy ab vydzialeńni čaćviortaha», — skazaŭ Pucin.
Kažučy pra raźvićcio ekanamičnych adnosinaŭ pamiž Biełaruśsiu i Rasijaj, jon kanstatavaŭ, što rost tavaraabarotu za 2012 hod užo skłaŭ 30%. Pucin padkreśliŭ, što baki čakajuć surjoznaj addačy ad realizacyi sumiesnych prajektaŭ u śfiery enierhietyki, mašynabudavańnia i vysokich technałohij i asabliva adznačyŭ prajekt budaŭnictva biełaruskaj AES.
Pucin paviedamiŭ, što padčas sustrečy abmierkavana taksama pytańnie stvareńnia chołdynhu «RasBiełAŭta» na bazie MAZa i KAMAZa.
Zakranuŭšy palityčnaje ŭzajemadziejańnie dźviuch krain, rasijski kiraŭnik adznačyŭ supolnaść pohladaŭ Biełarusi i Rasii na aktualnyja pytańni mižnarodnaha paradku dnia.
«Upeŭnieny, što ŭ
Pucin miarkuje, što sustreča prajšła ŭ «dziełavoj i vielmi ščyraj atmaśfiery».
* * *
Antykryzisny fond JeŭrAzES stvorany ŭ 2009 hodzie, jaho srodkami kiruje Jeŭrazijski bank raźvićcia. U červieni 2011 hoda saviet fondu pryniaŭ rašeńnie ab vydzialeńni Biełarusi finansavaha kredytu ŭ 3 młrd. dołaraŭ ZŠA. Da kanca minułaha hoda ŭ Biełaruś pastupili dva tranšy kredytu na ahulnuju sumu 1,24 młrd. dołaraŭ. Treci tranš u 440 młn. dołaraŭ ZŠA Biełaruś čakała u kancy lutaha 2012 hoda.
