Prezientacyja knihi Ludmiły Rubleŭskaj — 26 červienia 3

Ludmiła Rubleŭskaja prezientuje svaju novuju knihu «Sutareńni Romuła», jakaja vyjšła ŭ sieryi Sajuza biełaruskich piśmieńnikaŭ «Kniharnia piśmieńnika».

U jaje ŭvajšli dva ramany: «Sutareńni Romuła» i «Zabić niahodnika, albo Hulnia ŭ Albaruteniju». Proza Ludmiły Rubleŭskaj — heta zachaplalnaja intryha i psichałahičnaja hłybinia, virtuoznaje splacieńnie charaktaraŭ, padziej, histaryčnych faktaŭ i epoch. U ramanach Rubleŭskaj daśledujucca nie tolki stalinskija represii suprać biełaruskaj nacyjanalnaj intelihiencyi i strata histaryčnaj pamiaci siońnia, ale i histaryčny šlach i nacyjanalny charaktar biełarusaŭ ad časoŭ VKŁ da sučasnaści.

Jak trapiŭ prafiesar Valeryjan Skałovič z zaścienkaŭ NKVD 1937-ha hoda ŭ dom la Kalvaryjskich mohiłak 2000-ha? Čamu supracoŭnica vydaviectva Arsienija Viaževič padobnaja, jak dźvie kropli vady, na partret hrafini z XIX stahodździa? Klučom da jakoj staražytnaj tajamnicy źjaŭlajecca raśsiečany napałam srebny kubak? U adnačasova žorstkaj i daścipnaj, ramantyčnaj i fantastyčnaj prozie piśmieńnicy vas čakajuć padarožžy ŭ časie, detektyŭnyja rasśledvańni, kachańnie, dziela jakoha varta pamierci, i zapavietnaja kraina Albarutenija. Čytač budzie śmiajacca i płakać nad nievierahodnymi losami hierojaŭ, jakija sprabujuć zachavać čałaviečuju hodnaść i viernaść Albarutenii siarod najhoršych pakutaŭ i vyprabavańniaŭ.

Prezientacyja adbudziecca ŭ kniharni «ŁohvinaŬ» na Niezaležnaści 37A. Pačatak u 18:30. Uvachod volny.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH