Kiraŭnik Minharvykankama Mikałaj Ładućka, Alaksandr Miadźviedź i Juryj Čyž pierarazajuć čyrvonuju stužačku
Alaksandr Miadźviedź vietliva sustrakaje haściej
Alaksandr Miadźviedź stanaviŭsia alimpijskim čempijonam u 1964, 1968 i 1972 hh.
16 vieraśnia viadomy ŭ śviecie biełaruski barec volnaha stylu, trochrazovy alimpijski čempijon Alaksandr Miadźviedź adznačyŭ 75-hodździe.
Da jubileju było prymierkavana adkryćcio ŭ minułyja vychadnyja ŭ Minsku Centra alimpijskaha reziervu pa baraćbie imia Alaksandra Miadźviedzia [na miescy kinateatra "Vilnius"]. Pavodle słoŭ staršyni Biełaruskaj fiederacyi baraćby Juryja Čyža, novaje spartzbudavańnie nadaść impuls dalejšamu raźvićciu spartyŭnaj baraćby ŭ Biełarusi.
A sam prasłaŭleny atlet vykazaŭ nadzieju, što ŭ novym spartkompleksie vyrastuć budučyja čempijony.
U centry abstalavana niekalki barcoŭskich załaŭ, a taksama trenažornaja zała, dušavyja, raździavalni, jość tut taksama saŭna i kafe. U budynku raźmiaščajecca i Zała barcoŭskaj słavy, u jakoj pieršyja naviedvalniki mahli ŭbačyć uznaharody troch samych słavutych biełaruskich barcoŭ — alimpijskich čempijonaŭ roznych hadoŭ Aleha Karavajeva, Kamandara Madžydava i Alaksandra Miadźviedzia.
