Kiroŭca, jaki źbiŭ na prypynku ŭ Minsku čatyroch piešachodaŭ, budzie ŭziaty pad vartu

Kiroŭca, jaki źbiŭ na prypynku hramadskaha transpartu na vulicy Sialickaha ŭ Minsku viečaram 2 listapada čatyroch piešachodaŭ, zatrymany. Pra heta paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ.

Pa fakcie DTZ raspačata i rasśledujecca sprava na padstavie častki 2 artykuła 317 KK (parušeńnie praviłaŭ darožnaha ruchu, što vyklikała śmierć čałavieka pa nieaściarožnaści). Chutčej za ŭsio, 5 listapada budzie pryniata rašeńnie ab uziaćci parušalnika pad vartu.

Pavodle źviestak HUUS Minharvykankama, 2 listapada ŭ 17.50 39-hadovy žychar Rahačova, znachodziačysia za rulom aŭtamašyny «Miersiedes-Bienc-500», kala doma № 21b pa vulicy Sialickaha nie spraviŭsia z kiravańniem, vyjechaŭ za miežy prajeznaj častki i ŭčyniŭ najezd na čatyroch hramadzian, jakija byli na prypynku hramadskaha transpartu.

U vyniku DTZ 53-hadovy minčanin z zakrytym pierałomam 9-10-ha rebraŭ sprava i 38-hadovaja minčanka z čerapna-mazhavoj traŭmaj lohkaj stupieni, udaram pravaha ściahna i vierchniaj huby byli špitalizavanyja ŭ 10-ju haradskuju kliničnuju balnicu.

29-hadovaha žychara Homiela z zakrytaj čerapna-mazhavoj traŭmaj siaredniaj stupieni, ranaj ad udaru hałavy, zakrytym pierałomam abiedźviuch halonak i 48-hadovuju minčanku z zakrytaj čerapna-mazhavoj traŭmaj siaredniaj stupieni, pierałomam asnovy čerapa, adkrytym pierałomam abiedźviuch kaściej halonki, traŭmatyčnym šokam dastavili ŭ haradskuju balnicu chutkaj miedycynskaj dapamohi, dzie 3 listapada ŭ 9.00 žančyna pamierła.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH