U RNPC «Maci i dzicia» adkryjecca łabaratoryja biaśpiečnaha začaćcia 2

U trecim kvartale 2013 hoda ŭ RNPC «Maci i dzicia» adkryjecca łabaratoryja biaśpiečnaha začaćcia,

paviedamiła zahadčyca adździaleńnia płanavańnia siamji i dapamožnych repraduktyŭnych technałohij Respublikanskaha navukova-praktyčnaha centra «Maci i dzicia» Ała Kamluk na pres-kanfierencyi ŭ Minsku 21 listapada.

Pavodle jaje słoŭ, u łabaratoryi mužčyny, jakija žadajuć stać baćkami, zmohuć atrymać dapamohu pa ačystcy śpiermy ad VIČ- infiekcyi, a taksama hiepatytu V i S.

Mietad ačystki, jaki budzie vykarystoŭvacca ŭ RNPC, aprabavany ŭ šmatlikich krainach, u tym liku ŭ Rasii. Kamluk padkreśliła, što prymianieńnie ačystki śpiermy nie tolki dazvolić VIČ-infikavanym i chvorym na hiepatyt mužčynam zavieści zdarovaje dzicia, ale i ŭ cełym pavialičyć vierahodnaść začaćcia. Raniej žychary Biełarusi dla prachodžańnia pracedury jeździli za miažu, u pryvatnaści ŭ Polšču, skazała Kamluk.

Suma prajekta pa stvareńni łabaratoryi — 80 tys. jeŭra, u tym liku 60 tys. jeŭra na abstalavańnie, jakoje ŭžo zakuplena, i 20 tys. jeŭra na ramont pamiaškańniaŭ. Finansuje prajekt Hłabalny Fond AAN pa baraćbie sa ŚNIDam, tubierkulozam i malaryjaj. Pavodle słoŭ Kamluk, pieršym 100 siamiejnym param praceduru praviaduć biaspłatna, dalej pasłuha budzie kaštavać prykładna 800 tys. rubloŭ.

Kamluk padkreśliła, što dla praviadzieńnia pracedury ačystki śpiermy isnuje šerah supraćpakazańniaŭ — jak miedycynskich, tak i sacyjalnych. Abaviazkovym źjaŭlajecca prachodžańnie miedycynskaha abśledavańnia.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH