NYT піша, што Украіна зараз мае перавагу як у далёкасці стральбы, так і ў высокадакладных ракетах і артылерыйскіх снарадах, якіх у значнай ступені бракуе Расіі.
Украінскія вайскоўцы знішчаюць бранятэхніку коштам у мільёны долараў з дапамогай танных уласных беспілотнікаў, а таксама больш дасканалых дронаў і іншага ўзбраення, нададзенага ЗША і саюзнікамі.
«Расійскія ўзброеныя сілы застаюцца грознай сілай з крылатымі ракетамі, значнай арміяй і мільёнамі артылерыйскіх снарадаў, хоць і недакладных. … Аднак нельга не заўважыць, што сітуацыя на паўднёвым фронце мяняецца», — гаворыцца ў артыкуле.
Там адзначаецца, што ўсё большая перавага Украіны ў артылерыі зрабіла магчымым павольнае прасоўванне на поўдні ў кірунку Херсона.
Выданне адзначае, што калі летам у Данецкай вобласці Расія выпускала прыкладна 10 артылерыйскіх снарадаў на кожны ўкраінскі снарад, то цяпер у Херсонскай вобласці ўкраінскія камандзіры гавораць, што бакі выпускаюць прыкладна аднолькавую колькасць снарадаў, але ўкраінскія ўдары не толькі маюць большую далёкасць, але і з'яўляюцца больш дакладнымі дзякуючы спадарожнікаваму навядзенню ракет і артылерыйскім снарадам, прадстаўленым Захадам.
«Мы дабіваем да іх, а яны да нас не дабіваюць», — сказаў маёр Аляксандр, камандзір артылерыйскай батарэі на херсонскім кірунку.
Паводле яго слоў, зніжэнне інтэнсіўнасці расійскіх абстрэлаў таксама сведчыць аб недахопе боепрыпасаў.
«Бытуе меркаванне, што расійскае войска мае неабмежаваныя рэсурсы, але гэта міф… Інтэнсіўнасць агню знізілася ўтрая. Ваяваць з імі рэальна», — запэўніў маёр.
