U pieršaj pałovie tydnia zachavajecca chaładnavataje nadvorje, jakoje budzie vyznačać sfarmavanaja ŭ chałodnym pavietry vobłaść pavyšanaha atmaśfiernaha cisku, paviedamiŭ načalnik słužby hidramietearałahičnych prahnozaŭ Hidramieta Minpryrody Dźmitryj Rabaŭ. Paciapleje tolki bližej da vychodnych.
U aŭtorak, 27 vieraśnia, pieravažna biez apadkaŭ. Nočču i ranicaj u asobnych rajonach słaby tuman. Tempieratura pavietra minimalnaja nočču +2 + 8°S, maksimalnaja dniom +10 + 16°S.
U sieradu, 28 vieraśnia, miescami čakajucca karotkačasovyja daždžy. Nočču i ranicaj u asobnych rajonach tuman.
Tempieratura pavietra minimalnaja nočču +2 + 9°S, maksimalnaja dniom +10 + 16°S, pa paŭdniovym zachadzie da + 18°S.
U čaćvier, 29 vieraśnia, nadvorje budzie vyznačać atmaśfierny front z Zachodniaj Jeŭropy. Jon pryniasie na bolšuju častku terytoryi karotkačasovyja daždžy. Tempieratura pavietra minimalnaja nočču +4 + 11°S, maksimalnaja dniom +11 + 17°S, pa paŭdniovym zachadzie da + 19°S.
Pačynajučy ź piatnicy nadvorje palepšycca: daždžoŭ stanie mienš u krainu nakirujucca bolš ciopłyja pavietranyja masy z paŭdniovaha zachadu Jeŭropy.
Z 30 vieraśnia pa 2 kastryčnika prahnazujucca miescami karotkačasovyja daždžy.
Tempieratura pavietra minimalnaja nočču +6 + 13°S, maksimalnaja dniom +14 + 20°S, pa poŭdni +21 + 23°S.
