Fota Guinness World Records
Załacisty retryvier pa mianušcy Finli tak lubić padbirać tenisnyja miačyki, što zdoleŭ raściahnuć skivicy i ščoki, kab źmiaścić adrazu 6 miačykaŭ. U vyniku Finli trapiŭ u Knihu rekordaŭ Hinesa, piša Live Science.
Adnak na ŭładalnika samaha ełastyčnaha rota jość i inšyja kandydaty.
Mnohija hryzuny i niekatoryja małpy, u tym liku mandryły, majuć admysłovyja miaški na ščokach, kab nazapašvać u ich ježu. Ščoki chamiaka, naprykład, mohuć źmiaźcić da 20% usioj vahi žyvioły.
A pašča źmiej moža raściahvacca jašče bolš. Naprykład, u 2018 hodzie birmanskamu pitonu ŭ Fłarydzie ŭdałosia nastolki šyroka raziavić pašču, što jon prahłynuŭ biełachvostaha alenia, jaki byŭ ciažejšy za samoha pitona. Reč u tym, što skivicy u źmiej złučanyja z čerapam ełastyčnymi źviazkami, u vyniku čaho i pašča moža być vielmi ełastyčnaj.