Ukrainskaja delehacyja na pieramovach u Stambule 29 sakavika pieradała rasijskaj svajo bačańnie mižnarodnaha dakumienta, jaki zafiksuje harantyi biaśpieki dla Ukrainy. Klučavoje patrabavańnie — harantyi biaśpieki Ukrainy pavinny być anałahičnyja 5-mu artykułu NATA.
Pavodle hetaha artykuła, kali niechta napadzie na Ukrainu, to haranty pavinny na praciahu troch dzion pravieści kansultacyi i zabiaśpiečyć achviary ahresii nieabchodnuju dapamohu: dać uzbrajeńnie, uvieści svaje vojski i zakryć nieba. Siarod harantaŭ Ukraina bačyć krainy Rady Biaśpieki AAN, u pryvatnaści, Vialikabrytaniju, Kitaj, ZŠA, Francyju, Turcyju, Hiermaniju, Kanadu, Polšču, Italiju i Izrail.
Džonsan vieryć, što zachodnija krainy padtrymajuć patrabavańni Ukrainy harantavać biaśpieku ad budučych napadaŭ.
Ale jon bačyć hetyja harantyi praz nadańnie ŭzbrajeńnia, navučańnie ŭkrainskich vajskoŭcaŭ i abmien raźviedvalnymi dadzienymi.
Džonsan zajaviŭ, što heta dazvolić Ukrainie zabiaśpiečyć «strymlivańnie bajavych dziejańniaŭ», heta značyć adbić imknieńnie ahresara atakavać, zrabiŭšy jaho ataku nievykanalnaj abo małavierahodnaj.
