«Mnohija raśli na biełaruskaj muzycy, ale, na žal, ź ciaham času staryja stužki zacirajucca i akazvajucca na śmietniku, a dobraje zabyvajecca. I ŭsio ž tak być nie pavinna — treba zachoŭvać uspaminy pra ščaślivuju budučyniu, jakimi žyli talenavityja biełarusy, našy hihanty, u časy, kali kraina dychała pavietram Adradžeńnia», — adznačaje bubnač Relikt Alaksandr Dziemidzienka.
Siarod inšych na albomie možna pačuć pieraasensavanyja ŭ roznych muzyčnych stylach ad post-panka da post-roka kaviery «Atlantyda», «Plac Francyska», «Kraina taleraŭ», «Ja žyŭ», «Biełaruś maja».
Na vokładcy «Byli, Jość, Budziem» vyjaŭlenyny stylizavany partret kultavaha biełaruskaha muzyčnaha žurnalista i krytyka Vitaŭta Martynienki.
«Hetym albomam my chacieli addać daninu pavahi nie tolki «hienierałam ajčynnaha roku», ale i takim asobam, jak, naprykład, Anatol Mialhuj, Vitaŭt Martynienka, Siarhiej Filimonaŭ, — usim tym, chto rupiŭsia na nivie Biełaruščyny», — padkreślivaje Alaksandr Dziemidzienka.
Pasłuchać i spampavać albom možna tut.
