Prezident Zialenski 8 lipienia z vajskoŭcami na froncie ŭ rajonie Kryvoha Roha. Fota Ofisa prezidenta Ukrainy
Sa słoŭ ministra abarony Ukrainy Alaksieja Reźnikava, Zialenski zahadaŭ vajskoŭcam Ukrainy advajavać akupavanyja prybiarežnyja rajony, jakija majuć žyćciova važnaje značeńnie dla ekanomiki krainy.
«My razumiejem, što palityčna heta vielmi nieabchodna dla našaj krainy, — kaža Reźnikaŭ. — Prezident daručyŭ vyšejšamu vajskovamu kiraŭnictvu raspracavać płany. Paśla hetaha Hienštab kaža, što dla dasiahnieńnia hetaj mety nam treba a, b, v… Heta maja praca. Ja pišu listy kaleham u krainach-partniorach».
Ministr abarony Ukrainy skazaŭ, što kraina «prajšła test» paśpiachovaha vykarystańnia niadaŭna pastaŭlenaj amierykanskaj dalnabojnaj artyleryi, ale padkreśliŭ, što vajna na vyniščeńnie z ulikam taho, što linija frontu raściahnutaja, stvaraje patreby dadatkovych pastavak, pryčym braniatechnika i drony patrebnyja terminova, skazaŭ ministr abarony Ukrainy ŭ intervju amierykanskamu vydańniu «Uoł-stryt džornał».
