Maskoŭski haradski sud pryhavaryŭ žurnalista i palityka Uładzimira Kara-Murzu da 25 hadoŭ pazbaŭleńnia voli
Kara-Murzu sudzili pa troch artykułach Kryminalnaha kodeksa — ab raspaŭsiudžvańni «fejkaŭ» pra rasijskuju armiju, ab ažyćciaŭleńni dziejnaści «niepažadanaj» arhanizacyi (z-za supracoŭnictva z fondam «Adkrytaja Rasija») i ab «dziaržaŭnaj zdradzie» — apošniaje, mahčyma, za jaho ŭdzieł u padrychtoŭcy «Akta Mahnickaha».
Abvinavačańnie prasiła pryhavaryć palityka da 25 hadoŭ pazbaŭleńnia voli. Kara-Murza viny nie pryznaŭ.
Jaho advakaty paviedamlali, što ŭ palityka za hod, jaki jon pravioŭ pad aryštam, rezka pahoršaŭ stan zdaroŭja, jon schudnieŭ u SIZA na 22 kiłahramy.
U 2015 i 2017 hadach Uładzimir Kara-Murza pieražyŭ dźvie sproby atručvańnia. Rasśledavalniki vyjavili, što ŭ toj pieryjad u pajezdkach pa Rasii jaho tajna supravadžali tyja ž ludzi ź siłavych struktur, jakija byli zadziejničanyja ŭ atručeńni Alaksieja Navalnaha.
Čytajcie taksama:
